Мабільная версія
ДЗЯРЖОРГАНЫ

Апошнія навіны
Усе навіны
Міхаіл Мясніковіч

Пытанні ўзгодненай прамысловай палітыкі ў ЕАЭС прапрацаваны слаба

Меркаванні 27.02.2019 | 11:59
Міхаіл Мясніковіч Міхаіл Мясніковіч Старшыня Савета Рэспублікі Нацыянальнага сходу

Пытанні ўзгодненай прамысловай палітыкі ў Еўразійскім эканамічным саюзе прапрацаваны слаба. Такое меркаванне выказаў старшыня Савета Рэспублікі Міхаіл Мясніковіч 27 лютага на пасяджэнні Савета Рэспублікі і Акадэміі кіравання пры Прэзідэнце, дзе абмяркоўваецца ўдасканаленне рэгіянальнай сацыяльна-эканамічнай палітыкі, перадае карэспандэнт БЕЛТА.

"Еўразійскі эканамічны саюз за час работы да канца не раскрыў увесь свой патэнцыял, а чаканні былі вельмі вялікія. Даводзіцца канстатаваць, што ў ЕАЭС пытанні зладжанай прамысловай палітыкі прапрацаваны слаба. А прамысловасць - галоўны драйвер развіцця", - падкрэсліў Міхаіл Мясніковіч.

Старшыня Савета Рэспублікі звярнуў увагу, што ў саюзе практычна не ствараюцца сумесныя акцыянерныя таварыствы і іншыя кампаніі, якія ва ўсім свеце з'яўляюцца асноўным звяном інтэграцыйных праектаў і інавацыйнай глабальнай эканомікі. Так, сёння з 6,3 тыс. сумесных кампаній у Беларусі 2,5 тыс. суб'ектаў гаспадарання - з расійскімі каранямі. Але гэта, як правіла, невялікія арганізацыі, і яны не істотна ўплываюць на вытворчую сферу. А з капіталам з іншых краін ЕАЭС кампаній яшчэ менш, канстатаваў Міхаіл Мясніковіч.

"Задача ў сувязі з гэтым для ўсіх кіраўнікоў - прыцягненне прамых замежных інвестыцый, асабліва ў малыя населеныя пункты, гарады-спадарожнікі". - рэзюмаваў ён.

Версія для друку
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Сотавая сувязь у Беларусі Паслугі сотавай рухомай электрасувязі ў Беларусі аказваюць тры аператары: ЗАТ "БеСТ", ТАА "МТС" і УП "Велком".