Мабільная версія
ДЗЯРЖОРГАНЫ

Апошнія навіны
Усе навіны
Мікалай Кавалевіч

Прадпрыемствы павінны быць зацікаўлены ў падрыхтоўцы кадраў на перспектыву

Меркаванні 10.05.2019 | 16:56
Мікалай Кавалевіч Мікалай Кавалевіч Старшыня Гомельскага гарадскога Савета дэпутатаў

Прадпрыемствы першыя павінны быць зацікаўлены ў падрыхтоўцы кваліфікаваных кадраў на перспектыву. Такое меркаванне выказаў старшыня Гомельскага гарадскога Савета дэпутатаў Мікалай Кавалевіч на пасяджэнні прэзідыума гарсавета аб мерах органаў мясцовага кіравання і самакіравання па садзейнічанні занятасці насельніцтва, перадае карэспандэнт БЕЛТА.

Мікалай Кавалевіч адкрэсліў, што кадравая палітыка мае важнае значэнне для развіцця прадпрыемстваў любой галіны. "Таму наймальнікі павінны падтрымліваць кантакты з профільнымі навучальнымі ўстановамі, думаць на перспектыву, выключаючы магчымасць дэфіцыту вузкаспецыялізаваных кадраў", - сказаў ён.

Пытанне забеспячэння кваліфікаванымі спецыялістамі таксама павінна вывучацца на стадыі рэалізацыі таго ці іншага інвестпраекта. Напрыклад, у горадзе ўзводзіцца вялікі гандлёвы цэнтр, які гатовы забяспечыць рабочымі месцамі не адну сотню чалавек. Не заўсёды гэта задача можа вырашыцца ў адзін момант. Выйсце - у паслядоўнай падрыхтоўцы кадраў.

Акрэсліваючы спектр мер, прымаемых па садзейнічанні занятасці насельніцтва, начальнік упраўлення па працы, занятасці і сацыяльнай абароне Гомельскага гарвыканкама Аляксандр Ключынскі падзяліўся вопытам КУП "Гарэлектратранспарт". Яшчэ ў 1990-я гады тут арганізавалі і адпрацавалі сістэму падрыхтоўкі вадзіцеляў адпаведнай для кіравання тралейбусамі катэгорыі з ліку не занятых у эканоміцы. Папярэдне наймальнік звязваўся з патэнцыяльнымі работнікамі, якія стаялі на ўліку па беспрацоўі. Крытэрыі адбору былі высокія, бо размова пра бяспеку перавозак людзей. Пасля навучання такія вадзіцелі былі аформлены ў штат прадпрыемства.

Прыкладна такі ж механізм сёння наладжаны і па іншых сферах. Так, паводле даных начальніка ўпраўлення па працы, занятасці і сацыяльнай абароне гарвыканкама, у 2018 годзе прайшлі перападрыхтоўку і перанавучанне па розных напрамках больш за 550 чалавек. Пры гэтым у больш як 50 працэнтах выпадкаў ідзе мэтавая падрыхтоўка спецыялістаў з гарантыяй далейшага працаўладкавання. "У бягучым годзе плануем перанавучыць столькі ж чалавек, калі спатрэбіцца, то і больш. На гэтыя мэты выдзяляюцца сродкі, узгоднены праграмы навучання ў дзяржаўных установах адукацыі. Наша задача не проста перападрыхтаваць чалавека, а садзейнічаць яго занятасці, каб ён змог знайсці прыдатную работу", - падкрэсліў Аляксандр Ключынскі.

Ён звярнуў увагу, што кожны саіскальнік павінен разумець: наймальніку ён цікавы з пазіцыі наяўнага вопыту, ведаў і кваліфікацыі. "Каб у сучасных рэаліях адчуваць сябе ўпэўнена, чалавек павінен мець некалькі сумежных прафесій. Тады ён заўсёды будзе запатрабаваны, а, такім чынам, атрымліваць дастойную заработную плату", - рэзюмаваў Аляксандр Ключынскі.

Цяпер узровень беспрацоўя ў абласным цэнтры складае 0,4 працэнта.

Версія для друку
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Перанос рабочых дзён у 2020 годзе Савет Міністраў Беларусі зацвердзіў графік пераносу рабочых дзён у 2020 годзе.