Мясцовыя выбары ў Беларусі становяцца менш руціннымі, ідзе рэальная барацьба за ўладу. Такое меркаванне 18 лютага журналістам выказала старшыня ЦВК Лідзія Ярмошына, перадае карэспандэнт БЕЛТА.
Кіраўнік Цэнтрвыбаркама расказала, што выбарчая кампанія праходзіць спакойна. А запомніцца яна Лідзіі Ярмошынай тым, што кандыдаты ў дэпутаты сталі актыўней змагацца за мандаты. У параўнанні з выбарамі 2014 года прэтэндэнты на месцы ў Саветы 28-га склікання праводзілі больш агітацыйных мерапрыемстваў. Часцей праяўляў сябе шэраг грамадскіх аб'яднанняў і палітычных партый. "Ад руцінных вялых мясцовых выбараў мы пераходзім да выбараў актыўных, дзе сапраўды ідзе рэальная барацьба за ўладу, няхай і грамадскую", - адзначыла кіраўнік ЦВК.
Сёння ў Беларусі праходзяць выбары ў мясцовыя Саветы дэпутатаў. Усе 5 870 выбарчых участкаў адкрыліся ў штатным рэжыме. Яны будуць працаваць з 8.00 да 20.00. Кандыдатамі ў дэпутаты зарэгістравана больш як 22 тыс. чалавек. Паміж удзельнікамі кампаніі будзе размеркавана крыху больш за 18 тыс. мандатаў.