Мабільная версія
ДЗЯРЖОРГАНЫ
Апошнія навіны
ІНФАГРАФІКА: Студэнты Беларусі
16 Лістапад, 15:41 Стужка навiн
Усе навіны
Міхаіл Партной

Бязвізавы рэжым у Гродзенскім раёне надаў імпульс развіццю бізнесу

Меркаванні 16.02.2018 | 15:54
Міхаіл Партной Міхаіл Партной Намеснік міністра спорту і турызму Беларусі

Бязвізавы рэжым у Гродзенскім раёне надаў імпульс развіццю бізнесу ў рэгіёне. Такое меркаванне 16 лютага журналістам выказаў намеснік міністра спорту і турызму Міхаіл Партной, перадае карэспандэнт БЕЛТА.

Міхаіл Партной прыняў удзел у падагульняючай калегіі ўпраўлення спорту і турызму Гродзенскай вобласці. Намеснік міністра адзначыў, што ў рэгіёне ўдаецца паспяхова працаваць ва ўсіх напрамках, відавочны эфект і ў развіцці турызму. "Краіна, якая не мае нафты і газу, здольна зарабляць на турызме, на інфраструктуры, тым больш садзейнічае таму і становішча ў самым цэнтры Еўропы. Гродзенская вобласць гэта ўжо актыўна робіць", - сказаў ён. У 2017 годзе Гродна і наваколле наведала звыш 52 тыс. так званых бязвізавых турыстаў. Павялічаны турыстычны паток выклікаў цікавасць і ў бізнесу. У Гродне адкрыліся некалькі новых гасцініц, аб'ектаў грамадскага харчавання. Было створана звыш 400 новых рабочых месцаў. Турысты патрацілі ў рэгіёне звыш 12 млн еўра.

"На працягу двух месяцаў рэгіён прадставіць сур'ёзны дакумент - праграму развіцця турызму ў Гродзенскай вобласці, якая будзе ўключаць цэлы комплекс мерапрыемстваў. Яна павінна даць адказы на пытанні аб тым, што перашкаджае турызму на заканадаўчым узроўні, што неабходна змяніць у гэтым напрамку. Таксама яе палажэнні павінны прадугледжваць развіццё інфраструктуры, правядзенне маркетынгавых мерапрыемстваў, стварэнне спрыяльных умоў для сярэдняга і малога бізнесу. Гэта павінна даць штуршок для росту эканомікі", - адзначыў Міхаіл Партной. Ён падкрэсліў, што ўклад у ВУП ад турызму ў выпадку паспяховай рэалізацыі палажэнняў праграмы павінен узрасці ў разы.

"У 2018 годзе павялічаны не толькі тэрмін знаходжання бязвізавых турыстаў у Гродзенскім і Брэсцкім рэгіёнах, важна, што ў зону ўвайшлі чыгуначныя вакзалы і аэрапорты ў Гродне і Брэсце. Яны ў перспектыве павінны скласці канкурэнцыю аэрапортам Вільнюса і Варшавы. Але для гэтага трэба значна папрацаваць", - падкрэсліў намеснік міністра. На яго думку, трэба актыўней развіваць інфраструктуру не толькі паветраных, але і водных, чыгуначных шляхоў зносін.

Міхаіл Партной адзначыў, што ад развіцця турызму важны не толькі эканамічны эфект. "Часта іншаземцы прыязджаюць у Беларусь з нейкім скажоным уяўленнем аб ей. Аднак, убачыўшы чыстую, прыгожую, бяспечную, адкрытую для гасцей краіну, хочуць вярнуцца сюды зноў", - падкрэсліў ён.

Як адзначыў начальнік упраўлення спорту і турызму Гродзенскага аблвыканкама Алег Андрэйчык, у рэгіёне адзначаюць рост цікавасці замежных турыстаў. Толькі ў рамках бязвізавага рэжыму з пачатку 2018 года Гродна і наваколле наведалі звыш 3,6 тыс. гасцей з 23 краін. На бліжэйшы ўік-энд зарэгістраваліся для візіту ў абласны цэнтр звыш 800 іншаземцаў.

Указ нумар 462 "Аб устанаўленні бязвізавага парадку ўезду і выезду замежных грамадзян", які ўступіў у сілу 1 студзеня, павялічыў тэрмін часовага знаходжання ў турыстычных мэтах замежных грамадзян да 10 сутак, пашыраны тэрыторыі для часовага знаходжання замежных турыстаў, павялічана колькасць пунктаў пропуску для бязвізавага ўезду ў турыстычных мэтах. Даступная для бязвізавых турыстаў зона пад Гроднам была пашырана на ўвесь Гродзенскі раён, акрамя аўтамабільных пунктаў пропуску даступнымі для такіх гасцей сталі чыгуначны і авіяцыйны транспарт.

Версія для друку
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Студэнты Беларусі Штогод 17 лістапада адзначаецца Міжнародны дзень студэнтаў - адно з самых папулярных маладзёжных свят. Агульная колькасць студэнтаў у ВНУ Беларусі складае каля 284 тыс. чалавек.