Беларусы зрабілі свой выбар на карысць міру і развіцця краіны. Такое меркаванне выказаў карэспандэнту БЕЛТА народны артыст Беларусі лаўрэат Дзяржаўнай прэміі мастацкі кіраўнік Нацыянальнага акадэмічнага канцэртнага аркестра прафесар Міхаіл Фінберг.
"Гэта правільны выбар. Я быў бы вельмі здзіўлены, калі б неяк па-іншаму разгарнуліся падзеі. Гэта чалавек, які мае ўжо вялікі вопыт, займаючы такую пасаду. Гэта чалавек, які, відавочна, больш за ўсіх любіць Беларусь, які зрабіў вельмі-вельмі шмат", - лічыць Міхаіл Фінберг.
Ён дадаў, што ў Беларусі з'явілася новая культура, новая адукацыя, новыя творчыя праекты, фестывалі. Загарэліся новыя зоркі ў спорце і культуры. У краіне будуюцца новыя заводы і новыя дарогі. Беларусь жыве па сваіх канонах у згодзе ўжо 20 гадоў. Беларусь - краіна, дзе створаны ўсе ўмовы для камфортнага жыцця і работы грамадзян. Беларусь вядома ў свеце дзякуючы сваёй узважанай палітыцы. Таму беларусы выбралі стабільнасць і спакой, накіраванасць у будучыню, сказаў на заканчэнне народны артыст.
