Мабільная версія
ДЗЯРЖОРГАНЫ

Апошнія навіны
Усе навіны
Анатоль Карпаў

Беларусь - дастойнае месца для правядзення Сусветнай шахматнай алімпіяды

Меркаванні 05.11.2018 | 12:05
Анатоль Карпаў Анатоль Карпаў Чэмпіён свету па шахматах

Беларусь - дастойнае месца для правядзення Сусветнай шахматнай алімпіяды. Такое меркаванне выказаў 4 лістапада на прэс-канферэнцыі ў Брэсце дванаццаты чэмпіён свету па шахматах Анатоль Карпаў, перадае карэспандэнт БЕЛТА.

"Я ўпэўнены, што Беларусь - дастойнае месца для правядзення шахматнай алімпіяды. Тым больш што на ўсёй тэрыторыі былога Савецкага Саюза яны здараліся не так часта, - адзначыў Анатоль Карпаў. - Правесці шахматную алімпіяду няпроста, таму што гэта стала сапраўды маштабным дзействам. Калі праходзіць Сусветная шахматная алімпіяда, трэба прыняць толькі ўдзельнікаў да 2 тыс. чалавек, не лічачы аматараў шахматаў, турыстаў. Паралельна з алімпіядай праводзіцца кангрэс. Таму тое, што Беларусі ўдалося заваяваць гэта права, - вялікае дасягненне. Цяпер трэба добра падрыхтавацца і правесці".

Мінск у 2022 годзе прыме 45-ю Сусветную шахматную алімпіяду, падрыхтоўка да якой пачалася ўжо. Зборная Беларусі плануе выступіць на дамашнім турніры трыма складамі. Старшыня Беларускай федэрацыі шахматаў, віцэ-прэзідэнт ФІДЕ Настасся Сарокіна запрасіла легендарнага шахматыста стаць ганаровым госцем алімпіяды і падзей, якія будуць папярэднічаць ёй. "У нас будзе жаночы і мужчынскі Кубкі свету - у 2020 і 2021 гадах адпаведна. Акрамя таго, у наступным годзе, калі ў Брэсце будзе зноў праходзіць Кубак Карпава, мы пастараемся завяршыць рэканструкцыю нашага Палаца шахматаў у Мінску. Спадзяюся, вы прымеце ўдзел у яго адкрыцці", - сказала Настасся Сарокіна.

Дванаццаты чэмпіён свету па шахматах Анатоль Карпаў прыбыў у Брэст для ўдзелу ў цырымоніі ўзнагароджвання пераможцаў Кубка Карпава. Турнір праводзіцца ў рамках II Міжнароднага шахматнага фестывалю "Чорная пешка". У лёгкаатлетычным манежы, дзе разгарнуліся шахматныя баталіі, адбылася аўтограф-сесія гросмайстра. Запланаваны таксама лекцыя і майстар-клас Анатоля Карпава ў брэсцкім шахматным клубе.

Версія для друку
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Час стаць прыкметным! У асенне-зімовы перыяд у цёмны час сутак традыцыйна павялічваецца колькасць ДТЗ з удзелам пешаходаў і веласіпедыстаў.