Мабільная версія
ДЗЯРЖОРГАНЫ

Апошнія навіны
Усе навіны
Аляксандр Канюк

Аб карупцыі: некаторыя ўжо страцілі інстынкт самазахавання

Меркаванні 05.12.2018 | 18:38
Аляксандр Канюк Аляксандр Канюк Генеральны пракурор Беларусі

Некаторыя службовыя асобы ў мясцовых органах улады страцілі інстынкт самазахавання. Такое меркаванне 5 снежня на пазачарговым пасяджэнні Магілёўскага аблвыканкама па пытаннях барацьбы з карупцыяй у органах мясцовага кіравання выказаў генеральны пракурор Беларусі Аляксандр Канюк, паведамілі БЕЛТА ў Генпракуратуры.

Удзел у пазачарговым пасяджэнні Магілёўскага аблвыканкама па пытаннях барацьбы з карупцыяй у органах мясцовага кіравання прынялі кіраўнік Адміністрацыі Прэзідэнта Наталля Качанава, генпракурор Аляксандр Канюк і старшыня Камітэта дзяржаўнай бяспекі Валерый Вакульчык. "Не ўсе кіраўнікі органаў і арганізацый правільна разумеюць патрабаванні Прэзідэнта аб выкараненні карупцыі, здольнай падарваць аснову любой дзяржавы. Гэта адносіцца і да тых, хто сам учыняе карупцыйныя правапарушэнні, і да тых, хто не прымае належных мер па іх папярэджанні", - сказаў Аляксандр Канюк.

Кіраўнік нагляднага ведамства звярнуў увагу на тое, што да кіраўнікоў мясцовых органаў кіравання і іх намеснікаў прад'яўляюцца асаблівыя патрабаванні. "Вы заўсёды на віду ў людзей, любы ваш няправільны крок будзе вядомы, выклікае грамадскае асуджэнне і падрывае аўтарытэт улады. Таму і патрабаванне з вас асаблівае. Аднак часам узнікае такое пачуццё, што некаторыя не толькі забылі пра маральныя нормы, але і страцілі інстынкт самазахавання", - адзначыў генпракурор.

На яго думку, карупцыя ўсё актыўней пранікае ў сферу эканамічных адносін, у тым ліку пры арганізацыі і правядзенні закупак. Вынік - неэфектыўнае і неэканомнае расходаванне бюджэтных сродкаў. "Устаноўлены факты неабгрунтаванага абмежавання доступу да ўдзелу ў працэдурах закупак, маніпуліравання конкурснымі дакументамі, неаб'ектыўнай ацэнкі паступіўшых прапаноў. Значная частка такіх парушэнняў звязана з карупцыйнымі і іншымі правапарушэннямі", - канстатаваў Аляксандр Канюк.

Да негатыўных фактараў эканамічнага развіцця рэгіёна ўдзельнікі нарады аднеслі таксама пратэрмінаваную дэбіторскую запазычанасць у 563 прадпрыемстваў, якая з пачатку года павялічылася на 19 працэнтаў. "Прычына такога становішча - жаданне разгрузіць склады любымі спосабамі, а ў выніку - страта прадукцыі на значную суму. Адгрузіўшы тавары без перадаплаты, кіраўнікі прадпрыемстваў фактычна прадаставілі неабгрунтаваныя прывілеі сваім замежным партнёрам. Не выключана, што ў будучым ім давядзецца плаціць з уласнай кішэні", - папярэдзіў генпракурор.

Па выніках пасяджэння прыняты арганізацыйныя рашэнні, прызначаныя ўстараніць прычыны карупцыі, пазбавіць яе фінансавай асновы.

Версія для друку
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Хто часцей за ўсё наведвае Беларусь па бязвізавым рэжыме Паводле даных на 29 лістапада, магчымасцямі 30-дзённага бязвізавага знаходжання ў Беларусі скарысталіся амаль 179 тыс. грамадзян розных краін.