2 чэрвеня, Мінск /Кар. БЕЛТА/. У Японіі медыкі заклікаюць насельніцтва быць асцярожнымі пры выкарыстанні медыцынскіх масак летам, паколькі гэта павышае рызыку цеплавога ўдару, паведамляе тэлерадыёкампанія NHK.
Нашэнне масак з'яўляецца адной з рэкамендацый урада Японіі ў рамках так званага новага стылю жыцця, прызначанага прадухіліць распаўсюджванне каранавіруснай інфекцыі.
Між тым Японская асацыяцыя неадкладнай медыцынскай дапамогі папярэджвае насельніцтва аб негатыўных выніках выкарыстання медыцынскіх масак летам. На думку экспертаў, у гарачае надвор'е ў людзей у масках могуць пачашчацца дыханне і сэрцабіцце, павышаецца рызыка цеплавога ўдару. У сувязі з гэтым рэкамендуецца час ад часу знімаць маскі, каб адпачыць, трымаючыся пры гэтым на адлегласці ад іншых людзей. Акрамя таго, медыкі рэкамендуюць часцей піць ваду, каб падтрымліваць аптымальную колькасць вадкасці ў арганізме.
Эксперты таксама заклікаюць жыхароў пачаць рабіць лёгкія фізічныя практыкаванні дома або выходзіць на прагулкі, каб даць целу прывыкнуць да гарачыні да прыходу лета.
Раней паведамлялася, што нашэнне медыцынскіх масак можа быць небяспечна для дзяцей ва ўзросце да двух гадоў. Педыятры лічаць, што маскі могуць ускладняць дыханне і павышаюць рызыку ўдушша ў малышоў.-0-
