9 мая, Мінск /Кар. БЕЛТА/. Прэзідэнт Беларусі Аляксандр Лукашэнка будзе з трыбун назіраць за парадам Перамогі ў Маскве, паведамляе БЕЛТА.
"Картэж Лукашэнкі накіроўваецца да Краснай плошчы", - піша Telegram-канал "Пул Першага".
Як паведамлялася БЕЛТА, парад у гонар 78-й гадавіны Перамогі ў Вялікай Айчыннай вайне пройдзе на Краснай плошчы ў Маскве. Пачатак запланаваны на 10:00 па маскоўскім часе.
Парад на Краснай плошчы традыцыйна прыме Прэзідэнт Расіі Уладзімір Пуцін. Яго прэс-сакратар Дзмітрый Пяскоў паведаміў, што ў якасці гасцей на парадзе чакаецца прысутнасць лідараў краін СНД.
Паводле інфармацыі інфармагенцтва ТАСС, сваю прысутнасць пацвердзілі прэзідэнты Беларусі, Казахстана, Кыргызстана, Таджыкістана, Узбекістана, Туркменістана, а таксама прэм'ер-міністр Арменіі.
Прэзідэнт Беларусі прыбыў з рабочым візітам у Маскву вечарам 8 мая напярэдадні Дня Перамогі.-0-
