Мабільная версія
ДЗЯРЖОРГАНЫ

Апошнія навіны
ІНФАГРАФІКА: Змяненне меж Мінска
Учора 13:03 Стужка навiн
Усе навіны

Валянцін Шаеў: Формы карупцыйных злачынстваў пастаянна мяняюцца

Інтэрв'ю 04.11.2014 | 18:48

Адна з тэм, якія шырока абмяркоўваюцца ў грамадстве, - барацьба з карупцыяй. У бягучым годзе ўзбуджана больш за 2,5 тыс. крымінальных спраў карупцыйнай і эканамічнай накіраванасці. Крымінальныя справы па 1,5 тыс. эпізодаў злачыннай дзейнасці накіраваны на разгляд у суд. Па выніках расследавання ўстаноўлены матэрыяльны ўрон на суму каля Br135 млрд.Аднак, нягледзячы на прымаемыя праваахоўнікамі меры, карупцыя прадаўжае жыць. Чаму так адбываецца і як з гэтым змагацца, карэспандэнту БЕЛТА расказаў старшыня Следчага камітэта Беларусі Валянцін Шаеў.


- Валянцін Пятровіч, чаму не ўдаецца поўнасцю выкараніць карупцыю?


- Расследаванню карупцыйных злачынстваў заўсёды ўдзяляецца асаблівая ўвага. Крымінальныя справы па крадзяжах і забойствах учыняюцца аднымі і тымі ж спосабамі. Формы карупцыйных і эканамічных злачынстваў пастаянна мяняюцца. Таму следчыя павінны больш уважліва і дэталёва падыходзіць да разгляду такіх спраў. Сёння мы можам канстатаваць, што такія справы расследуюцца даволі паспяхова.


У бягучым годзе следчымі ўжо разгледжана больш за 3 тыс. заяў і паведамленняў аб эканамічных і карупцыйных злачынствах. На гэты час у следчых падраздзяленнях ажыццяўляецца вядзенне па шэрагу рэзанансных крымінальных спраў аб карупцыйных злачынствах у органах дзяржаўнай улады.


Так, на завяршальным этапе расследавання знаходзіцца крымінальная справа адносна рэктара дзяржаўнай установы адукацыі "Інстытут культуры Беларусі". Прадаўжаюцца судовыя слуханні па крымінальнай справе, расследаванай Следчым камітэтам, у адносінах да службовых асоб ААТ "Антасам" (жылы комплекс "Самацветы"). Уступіў у законную сілу прыгавор у адносінах да былога генеральнага дырэктара будаўнічай фірмы "Облик", гаспадарчая дзейнасць якой ажыццяўлялася па прынцыпе фінансавай піраміды.


- Ці можна сёння гаварыць аб з'яўленні транснацыянальнай карупцыі?


- Так. Ужо выяўлены асобныя злачынныя групы. У іх дзейнасці ўдзельнічалі чыноўнікі, якія садзейнічалі продажу дзяржаўнай маёмасці за межы краіны. Адным з прыкладаў можа паслужыць справа ў адносінах да былых намеснікаў старшыні Гомельскага аблвыканкама Віктара Банчука і Віктара Трызны, раней затрыманых па падазрэнні ў злоўжыванні ўладай і службовымі паўнамоцтвамі.


Злачынствы ў сферы карупцыі, як правіла, учыняюцца групамі асоб. Часта нехта з гэтых груп супрацоўнічае са следствам, дапамагае раскрываць схемы злачынстваў, устанаўліваць усе акалічнасці. Такім асобам змякчаецца пакаранне або яны вызваляюцца ад крымінальнай адказнасці.


- Ці лічыце вы, што, напрыклад, узмацненне адказнасці за неданясенне аб фактах карупцыі дасць магчымасць больш эфектыўна змагацца з гэтым злом?


- У Беларусі прадугледжана адказнасць за неданясенне аб учыненні цяжкіх і асабліва цяжкіх злачынстваў. Але я ніколі не лічыў і не лічу, што ўзмацненне адказнасці за гэта прынясе сур'ёзны вынік. На мой погляд, калі гаварыць аб адносінах калег па рабоце, падначаленых і начальнікаў, большы вынік прынясе ідэалагічная работа і маральныя ўстоі. У першую чаргу гэта стаўленне самога кіраўніка да гэтай праблемы. Не паведамляючы аб правапарушэнні або не праводзячы разбору, любы чыноўнік-праваахоўнік учыняе злачынства па арт. 425 КК Беларусі (бяздзейнасць улады).


Развіццё правасвядомасці грамадзян дасць магчымасць эфектыўней змагацца з карупцыяй. Чалавек, які добра ведае закон, не будзе шукаць магчымасці яго абмінуць, а прымусіць чыноўніка рабіць так, каб закон выконваўся.


Міхаіл Маціеўскі,
БЕЛТА.

Версія для друку
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Змяненне меж Мінска У мэтах развіцця тэрыторыі, што прылягае да Нацыянальнага аэрапорта Мінск, змяняюцца межы Мінска і Смалявіцкага раёна Мінскай вобласці.