Хоць за акном зіма і нібыта пляжнаму футболу месца няма, аднак усё
зусім не так. Ужо зусім хутка, у сярэдзіне лютага, стартуе чэмпіянат
свету, у якім згуляюць і беларускія пляжнікі. Зразумела, што лепшыя
зборныя планеты адправяцца ў гарачыя краіны - з 15 па 25 лютага турнір
прымуць пясчаныя арэны Аб'яднаных Арабскіх Эміратаў. Аб падрыхтоўцы да
галоўнага старту наступнага сезона і аб тым, што было ў 2023 годзе,
карэспандэнту БЕЛТА расказаў старшыня Беларускай федэрацыі пляжнага
футбола Міхаіл Ботнікаў.
- Непрыкметна праляцеў 2023 год - здавалася б, толькі што радаваліся поспеху нацыянальнай зборнай - выхаду ў фінальную частку чэмпіянату свету, перамозе на II Гульнях краін СНД, потым - бронзе Еўралігі. А глядзіш, вось ужо і само сусветнае першынство побач. Як беларускія падапечныя Нікаласа Альварада рыхтуюцца да сусветнага першынства?
- У першую чаргу вельмі хочацца падзякаваць нашым адданым балельшчыкам - іх гарачая падтрымка стала вялікай падмогай у нашых перамогах. Калі ўспамінаем перапоўненыя трыбуны на матчах II Гульняў краін СНД - гэта было проста цудоўна, незабыўна. А што датычыцца выступлення зборнай, то яна сапраўды згуляла выдатна. У кваліфікацыі сусветнага першынства ў Баку хлопцы заваявалі пуцёўку ў фінальную стадыю, потым у Мінску ўзялі золата Гульняў СНД, а завяршылі сезон бронзай Еўралігі. Калі звярнуцца да лічбаў, якія не хлусяць, то з 15 праведзеных сустрэч наша каманда выйграла 13.
- Зборная актыўна рыхтуецца да фіналу ЧС. На зборы ў Санкт-Пецярбургу беларусы атрымалі тры вікторыі, а вось у Іране пацярпела два паражэнні...
- У каманды не было задачы абавязкова выйграваць ва ўсіх спарынгах. Так, гэта прыемна, але не было самамэтай - трэнерскі штаб галоўную ўвагу ўдзяліў фізічнай падрыхтоўцы ігракоў, а таксама адпрацоўцы пэўных гульнявых камбінацый і стандартных становішчаў. Падкрэслю, што зборная Ірана з'яўляецца адной з наймацнейшых у Азіі, займае дзявятае месца ў сусветным рэйтынгу і таксама будзе гуляць у ААЭ. Так што сустрэчы з такім моцным сапернікам, безумоўна, пойдуць на карысць нашым хлопцам. Адзначу, што нас вельмі добра прынялі - іранскія сябры стварылі цудоўныя ўмовы для падрыхтоўкі, за што мы ім вельмі ўдзячны. Цяпер плануем крыху раней прыехаць у ААЭ, каб правесці заключны падрыхтоўчы этап і лепш адаптавацца да мясцовых умоў. Перад стартам хочам згуляць некалькі кантрольных паядынкаў.
- Нядаўна іспанскі настаўнік зборнай Беларусі ўзначаліў расійскі клуб "Краснадар-ЮМР". Ці не перашкаджае гэта Нікаласу ў плане работы з беларусамі?
- Нікалас адразу інфармаваў нас, што ў яго з'явіліся прапановы з боку некалькіх расійскіх клубаў. У нас адбылася добрая размова, каб яго новая работа не паўплывала на якасць работы з нацыянальнай зборнай Беларусі. Ён адназначна запэўніў, што ніякіх накладак не будзе і работа з галоўнай камандай Беларусі ў прыярытэце. Адзначу, што "Краснадар-ЮМР" - перспектыўны клуб, з вялікімі амбіцыямі, і запрашэнне "нашага" настаўніка якраз сведчыць, што Нікалас Альварада карыстаецца вялікім аўтарытэтам і з'яўляецца вельмі моцным спецыялістам.
- Можа, каб беларускія ігракі мелі магчымасць гуляць у моцным расійскім чэмпіянаце, Альварада пакліча кагосьці ў свой новы клуб?
- Магчыма, нехта з нашых хлопцаў і будзе гуляць у Краснадары, але цяпер пра гэта нічога не вядома. Ды і наогул, мы не ўмешваемся ў дзейнасць кіраўніцтва краснадарскай каманды. У іх ёсць свая акадэмія, якая рыхтуе добрых ігракоў, таму фарміраванне складу - гэта справа краснадарскага клуба.
- Калі вярнуцца ў мінулы сезон - што ў першую чаргу грэе душу ў гэтыя зімовыя дні? Перамога на Гульнях СНД, выхад на ЧС, а бронза Еўралігі - поспех ці няўдача?
- Ды ўсё прыемна ўспамінаць, цяжка вылучыць нешта асобна… Усе матчы былі цяжкімі, ніхто з сапернікаў не здаваўся, даводзілася здабываць перамогі з поўным напружаннем сіл, праз не магу, праз траўмы... Але, зноў падкрэслю, і хлопцы заўсёды аб гэтым гавораць - калі цябе падтрымліваюць поўныя трыбуны, гоняць у атаку, гэта незабыўныя адчуванні і гуляць напаўсілы проста немагчыма. Таму яшчэ раз усім фанатам - вялікі дзякуй!
- Некалькі слоў аб унутрыбеларускіх спаборніцтвах. Што можаце сказаць аб узроўні нашага нацыянальнага першынства, ці з'яўляюцца новыя каманды, ёсць маладыя "зорачкі", якія ў будучым зменяць ветэранаў нацыянальнай зборнай?
- Узровень беларускага чэмпіянату паступова падымаецца. Калі быць да канца аб'ектыўным, дык у гэтым вялікая заслуга нашых легіянераў, якія выступаюць у моцных расійскіх клубах, а потым узмацняюць беларускія клубы. Дарэчы, адзначу, што Нікалас глядзіць літаральна ўсе гульні нацыянальнага першынства і, вядома ж, адзначае для сябе ўсіх перспектыўных маладых ігракоў. Тут жа нельга не сказаць пра добрую работу трэнераў дзіцячага аддзялення пляжнага футбола ў Магілёве. Яно пакуль адно, і хацелася б, каб ва ўсіх камандах вышэйшай лігі вялікага футбола былі падраздзяленні і пляжнага футбола, і міні-футбола, і жаночага футбола. Менавіта адтуль будуць папаўняцца ўсе футбольныя каманды, у тым ліку і пляжнага.
- Зразумела, што будаваць планы для зборнай краіны на чэмпіянаце планеты не трэба - спорт наогул непрадказальны, і пляжны футбол не з'яўляецца выключэннем. І ўсё ж, напэўна, задача-мінімум - выхад у плэй-оф. На двух папярэдніх сусветных форумах гэтага дабіцца не ўдавалася…
- У нас і трэнер, і ўсе ігракі каманды вельмі амбіцыйныя, і таму заўсёды ставяцца толькі максімальныя задачы. Вядома, будзем усімі сіламі імкнуцца нарэшце прабіцца ў накаўт-раўнд, а далей - марым згуляць у фінале чэмпіянату планеты. Уся падрыхтоўка падпарадкавана менавіта гэтаму, усе ігракі гэта разумеюць і рыхтуюцца з усіх сіл. Мы вельмі рады, што маем магчымасць паўнацэнна прадстаўляць Беларусь на міжнароднай арэне - з дзяржаўным сцягам, гербам і гімнам.
- Пасля чэмпіянату свету ігракі раз'едуцца па сваіх клубах - многія прадоўжаць гуляць у расійскім першынстве. А чаго чакаць беларускім балельшчыкам у 2024 годзе?
- Зразумела, у новым годзе будзем імкнуцца радаваць нашых балельшчыкаў. Акрамя сусветнага першынства будзе яшчэ нямала цікавых спаборніцтваў. У прыватнасці, пляжны футбол уключаны ў праграму Сусветных гульняў Дружбы, будзе і Еўраліга, і адбор на наступны ЧС, як я ўжо казаў, плануем выступіць на іх як мае быць, мы ўсюды будзем змагацца за самыя высокія месцы. Таксама хачу запрасіць балельшчыкаў на матчы чэмпіянату Суперкубка і Кубка Беларусі - абяцаю, будзе вельмі цікава. Прычым нацыянальныя турніры пройдуць у розных рэгіёнах, таму ўсе змогуць далучыцца да нашага яркага віду спорту, прыходзьце, не пашкадуеце!
БЕЛТА-0-
- Непрыкметна праляцеў 2023 год - здавалася б, толькі што радаваліся поспеху нацыянальнай зборнай - выхаду ў фінальную частку чэмпіянату свету, перамозе на II Гульнях краін СНД, потым - бронзе Еўралігі. А глядзіш, вось ужо і само сусветнае першынство побач. Як беларускія падапечныя Нікаласа Альварада рыхтуюцца да сусветнага першынства?
- У першую чаргу вельмі хочацца падзякаваць нашым адданым балельшчыкам - іх гарачая падтрымка стала вялікай падмогай у нашых перамогах. Калі ўспамінаем перапоўненыя трыбуны на матчах II Гульняў краін СНД - гэта было проста цудоўна, незабыўна. А што датычыцца выступлення зборнай, то яна сапраўды згуляла выдатна. У кваліфікацыі сусветнага першынства ў Баку хлопцы заваявалі пуцёўку ў фінальную стадыю, потым у Мінску ўзялі золата Гульняў СНД, а завяршылі сезон бронзай Еўралігі. Калі звярнуцца да лічбаў, якія не хлусяць, то з 15 праведзеных сустрэч наша каманда выйграла 13.
- Зборная актыўна рыхтуецца да фіналу ЧС. На зборы ў Санкт-Пецярбургу беларусы атрымалі тры вікторыі, а вось у Іране пацярпела два паражэнні...
- У каманды не было задачы абавязкова выйграваць ва ўсіх спарынгах. Так, гэта прыемна, але не было самамэтай - трэнерскі штаб галоўную ўвагу ўдзяліў фізічнай падрыхтоўцы ігракоў, а таксама адпрацоўцы пэўных гульнявых камбінацый і стандартных становішчаў. Падкрэслю, што зборная Ірана з'яўляецца адной з наймацнейшых у Азіі, займае дзявятае месца ў сусветным рэйтынгу і таксама будзе гуляць у ААЭ. Так што сустрэчы з такім моцным сапернікам, безумоўна, пойдуць на карысць нашым хлопцам. Адзначу, што нас вельмі добра прынялі - іранскія сябры стварылі цудоўныя ўмовы для падрыхтоўкі, за што мы ім вельмі ўдзячны. Цяпер плануем крыху раней прыехаць у ААЭ, каб правесці заключны падрыхтоўчы этап і лепш адаптавацца да мясцовых умоў. Перад стартам хочам згуляць некалькі кантрольных паядынкаў.
- Нядаўна іспанскі настаўнік зборнай Беларусі ўзначаліў расійскі клуб "Краснадар-ЮМР". Ці не перашкаджае гэта Нікаласу ў плане работы з беларусамі?
- Нікалас адразу інфармаваў нас, што ў яго з'явіліся прапановы з боку некалькіх расійскіх клубаў. У нас адбылася добрая размова, каб яго новая работа не паўплывала на якасць работы з нацыянальнай зборнай Беларусі. Ён адназначна запэўніў, што ніякіх накладак не будзе і работа з галоўнай камандай Беларусі ў прыярытэце. Адзначу, што "Краснадар-ЮМР" - перспектыўны клуб, з вялікімі амбіцыямі, і запрашэнне "нашага" настаўніка якраз сведчыць, што Нікалас Альварада карыстаецца вялікім аўтарытэтам і з'яўляецца вельмі моцным спецыялістам.
- Можа, каб беларускія ігракі мелі магчымасць гуляць у моцным расійскім чэмпіянаце, Альварада пакліча кагосьці ў свой новы клуб?
- Магчыма, нехта з нашых хлопцаў і будзе гуляць у Краснадары, але цяпер пра гэта нічога не вядома. Ды і наогул, мы не ўмешваемся ў дзейнасць кіраўніцтва краснадарскай каманды. У іх ёсць свая акадэмія, якая рыхтуе добрых ігракоў, таму фарміраванне складу - гэта справа краснадарскага клуба.
- Калі вярнуцца ў мінулы сезон - што ў першую чаргу грэе душу ў гэтыя зімовыя дні? Перамога на Гульнях СНД, выхад на ЧС, а бронза Еўралігі - поспех ці няўдача?
- Ды ўсё прыемна ўспамінаць, цяжка вылучыць нешта асобна… Усе матчы былі цяжкімі, ніхто з сапернікаў не здаваўся, даводзілася здабываць перамогі з поўным напружаннем сіл, праз не магу, праз траўмы... Але, зноў падкрэслю, і хлопцы заўсёды аб гэтым гавораць - калі цябе падтрымліваюць поўныя трыбуны, гоняць у атаку, гэта незабыўныя адчуванні і гуляць напаўсілы проста немагчыма. Таму яшчэ раз усім фанатам - вялікі дзякуй!
- Некалькі слоў аб унутрыбеларускіх спаборніцтвах. Што можаце сказаць аб узроўні нашага нацыянальнага першынства, ці з'яўляюцца новыя каманды, ёсць маладыя "зорачкі", якія ў будучым зменяць ветэранаў нацыянальнай зборнай?
- Узровень беларускага чэмпіянату паступова падымаецца. Калі быць да канца аб'ектыўным, дык у гэтым вялікая заслуга нашых легіянераў, якія выступаюць у моцных расійскіх клубах, а потым узмацняюць беларускія клубы. Дарэчы, адзначу, што Нікалас глядзіць літаральна ўсе гульні нацыянальнага першынства і, вядома ж, адзначае для сябе ўсіх перспектыўных маладых ігракоў. Тут жа нельга не сказаць пра добрую работу трэнераў дзіцячага аддзялення пляжнага футбола ў Магілёве. Яно пакуль адно, і хацелася б, каб ва ўсіх камандах вышэйшай лігі вялікага футбола былі падраздзяленні і пляжнага футбола, і міні-футбола, і жаночага футбола. Менавіта адтуль будуць папаўняцца ўсе футбольныя каманды, у тым ліку і пляжнага.
- Зразумела, што будаваць планы для зборнай краіны на чэмпіянаце планеты не трэба - спорт наогул непрадказальны, і пляжны футбол не з'яўляецца выключэннем. І ўсё ж, напэўна, задача-мінімум - выхад у плэй-оф. На двух папярэдніх сусветных форумах гэтага дабіцца не ўдавалася…
- У нас і трэнер, і ўсе ігракі каманды вельмі амбіцыйныя, і таму заўсёды ставяцца толькі максімальныя задачы. Вядома, будзем усімі сіламі імкнуцца нарэшце прабіцца ў накаўт-раўнд, а далей - марым згуляць у фінале чэмпіянату планеты. Уся падрыхтоўка падпарадкавана менавіта гэтаму, усе ігракі гэта разумеюць і рыхтуюцца з усіх сіл. Мы вельмі рады, што маем магчымасць паўнацэнна прадстаўляць Беларусь на міжнароднай арэне - з дзяржаўным сцягам, гербам і гімнам.
- Пасля чэмпіянату свету ігракі раз'едуцца па сваіх клубах - многія прадоўжаць гуляць у расійскім першынстве. А чаго чакаць беларускім балельшчыкам у 2024 годзе?
- Зразумела, у новым годзе будзем імкнуцца радаваць нашых балельшчыкаў. Акрамя сусветнага першынства будзе яшчэ нямала цікавых спаборніцтваў. У прыватнасці, пляжны футбол уключаны ў праграму Сусветных гульняў Дружбы, будзе і Еўраліга, і адбор на наступны ЧС, як я ўжо казаў, плануем выступіць на іх як мае быць, мы ўсюды будзем змагацца за самыя высокія месцы. Таксама хачу запрасіць балельшчыкаў на матчы чэмпіянату Суперкубка і Кубка Беларусі - абяцаю, будзе вельмі цікава. Прычым нацыянальныя турніры пройдуць у розных рэгіёнах, таму ўсе змогуць далучыцца да нашага яркага віду спорту, прыходзьце, не пашкадуеце!
БЕЛТА-0-
