Змяненні ў падатковых вылічэннях
Прэзідэнт Беларусі 31 снежня 2019 года падпісаў указ №503 "Аб падаткаабкладанні", які ўводзіць новыя стаўкі падаткаў і акцызаў, памеры падатковых вылікаў і даходаў, што вызваляюцца ад падаходнага падатку.
Стандартны падатковы вылік вырас да Br117 у месяц пры атрыманні даходу не больш як Br709 у месяц (раней - Br110 пры даходзе не больш як Br665).
Памеры стандартных падатковых вылікаў для фізічных асоб:
на дзіця да 18 гадоў і/або на кожнага ўтрыманца (дзеці старэйшыя за 18 гадоў, якія атрымліваюць сярэднюю, першую вышэйшую, першую сярэднюю спецыяльную або першую прафесійна-тэхнічную адукацыю на дзённай форме навучання; інваліды I або II групы старэйшыя за 18 гадоў; непаўналетнія, на якімі ўстаноўлена апека або папячыцельства; фізічныя асобы, чые муж або жонка знаходзяцца ў водпуску па доглядзе дзіцяці) - Br34 у месяц;
удаве (удаўцу), адзінокаму бацьку або адзінокай маці, прыёмнаму бацьку або прыёмнай маці, апекуну або папячыцелю - Br65 у месяц на кожнае дзіця да 18 гадоў і кожнага ўтрыманца;
бацькам, маючым двух і больш дзяцей ва ўзросце да 18 гадоў або дзяцей-інвалідаў ва ўзросце да 18 гадоў - Br65 на кожнае дзіця ў месяц;
удзельнікаў ВАВ, ліквідатараў катастрофы на ЧАЭС, інвалідаў I і II групы незалежна ад прычын інваліднасці, інвалідаў з дзяцінства, дзяцей-інвалідаў ва ўзросце да 18 гадоў* - Br165 у месяц.
* Поўны спіс выкладзены ў падпункце 1.3 пункта 1 артыкула 209 Падатковага кодэкса.
Крыніца: указ №503 ад 31 снежня 2019 года.