Хадзьба садзейнічае развіццю вынослівасці, паляпшэнню фізічнай формы чалавека. Хадзіць карысна незалежна ад надвор'я і часу сутак.
Які тэмп выбраць для хадзьбы:
павольная хадзьба - 60-70 крокаў у мінуту;
сярэдняя хадзьба - 70-90 крокаў у мінуту;
хуткая хадзьба - 90-110 крокаў у мінуту (трэніровачны эфект);
вельмі хуткая хадзьба - 110-130 крокаў у мінуту (арганізм адаптуецца складана).
Трэніровачны эфект можна атрымаць і пры хадзьбе па няроўнай дарозе (затраты энергіі павялічацца да 12 разоў).
Хадзьба спінай наперад - 100 крокаў такой хадзьбы спальваюць столькі ж калорый, колькі 1000 крокаў звычайнай хадзьбы.
Як хадзьба ўплывае на арганізм чалавека:
3 мін - зніжаецца крывяны ціск;
15 мін - зніжаецца ўзровень цукру ў крыві;
30 мін - дапамагае знізіць вагу.
Што трэба ўлічыць:
хадзіць карысна за 1,5-2 гадзіны да або пасля ежы;
дыхаць рэкамендуецца праз нос, пры хуткай хадзьбе - можна адначасова носам і ротам;
выкарыстоўваць толькі зручны абутак;
выбіраць месцы неабходна ў аддаленні ад транспарту і трас.
Крыніца: адкрытыя крыніцы.
