Скандынаўская хадзьба - адзін з самых бяспечных відаў фізічнай актыўнасці, які паказаны практычна ўсім.
Станоўчы эфект:
- карэкціруецца пастава,
- зніжаецца лішняя вага,
- павышаецца імунітэт,
- зніжаецца нагрузка на калені і суставы,
- паляпшаецца работа сардэчна-сасудзістай сістэмы.
Для заняткаў скандынаўскай хадзьбой спатрэбіцца зручнае спартыўнае адзенне, абутак і палкі.
Даўжыня палак = рост (см) х 0,68.
Агульныя рэкамендацыі
Перад трэніроўкай варта зрабіць невялікую размінку.
Пры хадзьбе трэба перакочвацца з пяткі на насок, цела пры гэтым рухаецца сінхронна.
Палкай трэба актыўна адштурхоўвацца, яна павінна садзейнічаць руху наперад.
Аптымальная працягласць трэніроўкі - 40 мінут. Займацца трэба рэгулярна - 3-5 разоў на тыдзень.
Цікавыя факты
У час скандынаўскай хадзьбы трэніруецца да 90% мышцаў цела.
Хадзьба з палкамі больш карысная за бег: яна не разбурае суставы і практычна ў два разы больш эфектыўная пры барацьбе з сасудзістымі захворваннямі.
Гэты від хадзьбы - найбольш аптымальны від спорту для пажылых людзей.
Крыніцы: адкрытыя крыніцы
