У Беларусі пашыраны продаж тавараў для школьнікаў праводзіцца з 15 ліпеня.
Арганізавана работа больш як 350 школьных базараў (кірмашоў), праводзяцца выстаўкі-продажы, кірмашы выхаднога дня, аформлены "Куткі школьніка" і "Куткі першакласніка".
Пакупнікам прапануецца каля 500 мадэлей адзення дзелавога стылю для дзяўчынак і хлопчыкаў, да 200 мадэлей абутку, больш за 70 мадэлей трыкатажных вырабаў, да 100 мадэлей ранцаў, рукзакоў, сумак.
Кошт камплекта адзення дзелавога стылю і абутку:
для вучняў малодшых класаў - Br146-482,
для вучняў старэйшых класаў - Br226-589.
Кошт набору школьна-пісьмовых прылад і канцылярскіх тавараў - Br22-183.
Прадугледжана аказанне дадатковых паслуг пакупнікам: прыём папярэдніх заказаў на тавары школьнага асартыменту і падгонка адзення па фігуры.
Крыніца: Міністэрства антыманапольнага рэгулявання і гандлю.