У Беларусі ўведзена забарона на наведванне лясоў у шасці раёнах Мінскай вобласці:*
Старадарожскім - з 19 красавіка,
Валожынскім - з 20 красавіка,
Мінскім, Смалявіцкім, Чэрвеньскім, Бярэзінскім - з 24 красавіка.
Дазваляецца:
знаходзіцца ў лясных масівах толькі ў тых месцах, дзе ёсць спецыяльна абсталяваныя месцы адпачынку, стаянкі для турыстаў;
раскладаць агонь толькі ў мангалах або на спецыяльна абсталяваных (абкладзеных каменем ці абараных) вогнішчах.
Забараняецца:
уязджаць на ўсе лясныя дарогі**;
самастойна адкрываць апушчаныя шлагбаумы на ўездах у лес.
Штрафы:
за парушэнне патрабаванняў пажарнай бяспекі ў лясах або на тарфяніках альбо забароны на іх наведванне, што не прывяло да прычынення ўрону, - папярэджанне або штраф да 25 базавых велічынь;
за распальванне вогнішча ў забароненых месцах - папярэджанне або штраф да 12 базавых велічынь.
У 9 з 10 выпадкаў прычынай узнікнення пажару з'яўляецца антрапагенны фактар.
За суткі (па стане на 6.00 25 красавіка) ліквідавана 87 пажараў у экасістэмах:
27 лясных пажараў на агульнай плошчы больш за 110 га;
7 тарфяных пажараў на агульнай плошчы 2 га;
53 пажары травы і кустоў на агульнай плошчы больш за 26 га, у тым ліку пажар каля вёскі Крынічнае Гродзенскага раёна.
Прадаўжаецца тушэнне пажару на тэрыторыі заказніка "Альманскія балоты". Агульная плошча пажару перасягае 400 га, у тым ліку 100 га лесу.
Для яго ліквідацыі задзейнічаны 42 адзінкі тэхнікі і 139 чалавек.
Верталётамі за суткі ажыццёўлены 97 скідаў вады.
Тушэнне ўскладнена адсутнасцю пад'язных пуцей і забалочанай мясцовасцю.
Для маніторынгу і ацэнкі існуючай абстаноўкі вядзецца авіяцыйнае патруляванне.
* Па стане на 9.00 25 красавіка 2019 года.
** За выключэннем дарог агульнага прызначэння, якія праходзяць праз лясныя масівы.
Крыніцы: Міністэрства лясной гаспадаркі Беларусі, МНС.