Кандыдатаў у прэзідэнты вылучаюць грамадзяне Беларусі.
У падтрымку вылучэння кандыдата ў прэзідэнты трэба сабраць не менш як 100 тыс. подпісаў выбаршчыкаў.
Тэрміны збору подпісаў выбаршчыкаў - з 21 мая па 19 чэрвеня.
Збор подпісаў праводзяць члены ініцыятыўнай групы, зарэгістраванай ЦВК.
Пры зборы подпісаў член ініцыятыўнай групы павінен мець дакументы (прад'яўляюцца выбаршчыкам):
- пасведчанне, выдадзенае ЦВК;
- дакумент, які засведчвае асобу.
Зборшчыкі подпісаў не маюць права раздаваць выбаршчыкам друкаваныя матэрыялы.
Матэрыялы з біяграфічнымі данымі асоб, у падтрымку якіх вядзецца збор подпісаў, могуць прадастаўляцца для азнаямлення.
Выбаршчык мае права паставіць подпіс у падтрымку некалькіх кандыдатур. Аднак толькі адзін раз у падтрымку адной і той жа кандыдатуры.
Падпісны ліст
У падпісным лісце пазначаюцца без скарачэнняў звесткі:
- пра асобу, якая вылучаецца кандыдатам у прэзідэнты;
- пра члена ініцыятыўнай групы, які збірае подпісы;
- пра выбаршчыка, які падтрымлівае кандыдатуру.
Звесткі пра асобу, якая вылучаецца кандыдатам у прэзідэнты, і зборшчыку подпісаў уносяцца (рукапісным або машынапісным спосабам) у падпісны ліст да пачатку збору подпісаў.
Не дапускаецца прадстаўленне выбаршчыкам падпісных лістоў, у якіх адсутнічаюць звесткі пра гэтых асоб.
Звесткі пра выбаршчыка ў падпісны ліст уносяцца толькі рукапісным спосабам, запаўняюцца як самім выбаршчыкам, так і іншай асобай па яго просьбе, у тым ліку зборшчыкам подпісаў (графы 1-5 падпіснога ліста).
Выбаршчык уласнаручна ставіць дату подпісу і распісваецца (графы 6, 7).
Крыніца: ЦВК.