Сумеснае стратэгічнае вучэнне ўзброеных сіл Беларусі і Расіі "Захад-2021" праходзіць 10-16 верасня.
Тэма вучэння - "Прымяненне груповак войскаў (сіл) у інтарэсах забеспячэння ваеннай бяспекі Саюзнай дзяржавы".
У манеўрах на тэрыторыі Беларусі будзе задзейнічана:
12,8 тыс. ваеннаслужачых, у тым ліку каля 2,5 тыс. расійскіх ваеннаслужачых і да 50 казахстанскіх ваеннаслужачых са складу КСАР АДКБ;
да 350 адзінак бранятанкавай тэхнікі, у тым ліку 140 танкаў,
да 110 адзінак артылерыі і рэактыўных сістэм залпавага агню,
больш за 30 самалётаў і верталётаў.
Палігоны вучэнняў:
Беларусь - Абуз-Лясноўскі, Даманаўскі, Ружанскі і Брэсцкі;
Расія - Кірылаўскі, Стругі Красныя, Муліна, Пагонава, Хмялёўка, Праўдзінскі, Дабравольскі, Дарагабуж, Вольскі.
Вучэнні таксама пройдуць у Балтыйскім моры і Фінскім заліве.
Этапы вучэнняў:
10-12 верасня - адпрацоўка пытанняў кіравання падпарадкаванымі злучэннямі і воінскімі часцямі ў ходзе адбіцця агрэсіі, а таксама арганізацыя ўзаемадзеяння і забеспячэння ў інтарэсах вырашэння пастаўленых задач;
13-16 верасня - адпрацоўка пытанняў кіравання войскамі і сіламі ў ходзе завяршэння разгрому праціўніка і пры аднаўленні тэрытарыяльнай цэласнасці дзяржавы, у тым ліку з удзелам падраздзяленняў дружалюбных дзяржаў.
Для назірання запрошаны ваенныя аташэ, акрэдытаваныя пры пасольствах сваіх краін у Беларусі.
Крыніца: Міністэрства абароны Беларусі.
