Самы стары дуб Беларусі - цар-дуб "Пажэжынскі" (Маларыцкі раён Брэсцкай вобласці). Узрост - ад 800 да 900 гадоў. Вышыня - 36,6 м, дыяметр ствала - больш за 2 м, акружнасць унізе - каля 7 м.
Самы вялікі камень Беларусі - валун "Вялікі камень" у Шумілінскім раёне Віцебскай вобласці. Надземная частка: даўжыня - 11 м, шырыня - 5,6 м, вышыня - 2,8 м. Падземная частка - не менш як 3 м. Арыенціровачная маса - 800 т.
Самая буйная крыніца Беларусі - "Блакітная крыніца" ў Слаўгарадскім раёне Магілёўскай вобласці. Крыніца б'е на дне калодзежа дыяметрам 1,2 м, глыбінёй больш за 150 м. Аб'ём выходзячай вады - 5 тыс. куб.м, або 60 л у секунду.
*Спіс помнікаў прыроды не застаецца пастаянным.
Крыніца: Мінпрыроды Беларусі.
