XXVI Міжнародны форум па інфармацыйна-камунікацыйных тэхналогіях "ТІБО-2019" пройдзе 8-12 красавіка ў "Мінск-Арэне".
У 2019 годзе прымуць удзел больш за 100 кампаній з 16 краін свету.
Дадткова да традыцыйных раздзелаў "ТІБО" ў 2019 годзе на выстаўцы будзе новы тэматычны блок - "Экасістэма інавацый".
Тэматыка форуму:
нацыянальная тэлекамунікацыйная інфраструктура,
сучасная ІТ-архітэктура,
тэхналагічныя трэнды,
кібербяспека,
вытворчасць праграмнага забеспячэння,
тэлевізійныя, мультымедыйныя і гульнявыя тэхналогіі,
робататэхніка,
лічбавае выдавецтва і паліграфія,
інтэрнэт-тэхналогіі і інтэрнэт-паслугі.
Беларусь займае 32-е месца па індэксе развіцця ІКТ (рэйтынг Міжнароднага саюза электрасувязі) і ўваходзіць у групу краін з высокім узроўнем развіцця інфармацыйна-камунікацыйнай інфраструктуры.
Форум "ТІБО" праводзіцца з 1994 года і з'яўляецца адным з буйнейшых у краінах СНД і Балтыі. Яго удзельнікі - вядучыя беларускія і замежныя вытворцы тэлекамунікацыйнага абсталявання, камп'ютараў і праграмнага забеспячэння, сродкаў і сістэм бяспекі, пастаўшчыкі ІКТ-паслуг.
Крыніца: Міністэрства сувязі і інфарматызацыі Беларусі.
