Сцяг Пятніца, 29 сакавіка 2024
Усе навіны
Усе навіны
Інфаграфіка
18 верасня 2020, 14:27

Шкала колеравых узроўняў небяспекі надвор'я

Колеравая індыкацыя для папярэджання насельніцтва аб складаных умовах надвор'я і надзвычайных сітуацыях шырока выкарыстоўваецца ў свеце:

зялёны ўзровень - небяспечных і неспрыяльных з'яў надвор'я не чакаецца;

жоўты - умовы надвор'я патэнцыяльна небяспечныя: магчымы ападкі, навальніцы, узрастанне парываў ветру, высокія або нізкія тэмпературы;

аранжавы - умовы надвор'я ўяўляюць рэальную небяспеку: шквалы, ліўні, навальніцы, град, гарачыня, маразы, снегапады, мяцеліцы;

чырвоны ўзровень - умовы надвор'я вельмі небяспечныя: ураган, праліўныя дажджы, вельмі моцныя снегапады, град, надзвычайная пажарная небяспека, якія могуць выклікаць сур'ёзны матэрыяльны ўрон, чалавечыя ахвяры.

Як правіла, штармавое папярэджанне аб'яўляецца пры скорасці ветру большай за 18 м/с.

Калі атрымана папярэджанне аб моцным ветры, урагане або буры:

трымайцеся далей ад збудаванняў, высокіх слупоў, дрэў, электрапровадаў;

знайдзіце ўкрыцце;

абараніце вочы, нос і рот ад пяску і пылу;

шчыльна зачыніце вокны, дзверы;

пры руху ў аўто спыніцеся, але не выходзьце.

Калі атрымана папярэджанне аб навальніцы, то нельга:

купацца або кантактаваць з вадой;

дакранацца да металічных канструкцый;

хутка перамяшчацца пяшком або на адкрытым транспарце;

класціся на зямлю, хавацца ў стозе сена;

набліжацца бліжэй за 30-50 м да высокіх аб'ектаў, якія стаяць асобна.

Рэкамендацыі пры моцнай гарачыні:

старацца трымацца ў цяні;

насіць з сабой прахаладжальныя напіткі;

вадзіцелям - па меры магчымасці адмовіцца ад далёкіх паездак.

Тэлефоны экстранных службаў: МНС - 101, міліцыя - 102, хуткая медыцынская дапамога - 103.

Крыніцы: www.pogoda.by, УДАІ МУС, МНС Беларусі.

Топ-навіны
Свежыя навіны Беларусі