У Беларусі працякае 20,8 тыс. рэк і ручаёў сумарнай даўжынёй звыш 90,6 тыс. км.
Тэрыторыя краіны служыць водападзелам для басейнаў Балтыйскага (45%) і Чорнага (55%) мораў.
У Беларусі налічваецца:
7 буйных рэк (даўжынёй больш за 500 км);
41 сярэдняя рака (даўжынёй ад 101 да 500 км);
каля 19,3 тыс. малых рэк (даўжынёй ад 5 да 10 км) і ручаёў.
Самая доўгая рака - Днепр (каля 700 км у межах краіны).
Самая кароткая рака - Скема (каля 200 м, працякае ў Мядзельскім раёне).
Іншыя водныя рэсурсы* рэспублікі:
10 тыс. азёр (каля 9 куб.км вады);
85 вадасховішчаў (з плошчай паверхні вады ад 100 га);
1,5 тыс. сажалак (для рыбаразвядзення, у рэкрэацыйных мэтах).
Забяспечанасць воднымі рэсурсамі: больш за 6,0 тыс. куб.м вады ў год на душу насельніцтва.
Найбольш забяспечаны воднымі рэсурсамі Віцебская і Гродзенская вобласці, найменш - Гомельская і Брэсцкая.
Унікальнымі прыроднымі воднымі аб'ектамі Беларусі з'яўляюцца крыніцы.
Штогод у сакавіку адзначаюцца Міжнародны дзень рэк і Сусветны дзень водных рэсурсаў.
*Водныя рэсурсы - запасы прэснай вады, якая канцэнтруецца ў паверхневых і падземных водах, забяспечанасць імі - адзін з ключавых паказчыкаў устойлівага развіцця краіны.
Крыніца: Міністэрства прыродных рэсурсаў і аховы навакольнага асяроддзя, адкрытыя крыніцы.
