У час летніх канікулаў навучэнцы і студэнты атрымліваюць магчымасць часовай працоўнай занятасці.
За чэрвень-ліпень 2022 года працаўладкаваны амаль 57 тыс. навучэнцаў і студэнтаў.
У жніўні 2022 года 969 арганізацый заявілі аб гатоўнасці прадаставіць больш за 17 тыс. вакансій для навучэнцаў і студэнтаў.
Усяго на працаўладкаванне моладзі дзяржаўнай праграмай "Рынак працы і садзейнічанне занятасці" ў 2022 годзе прадугледжана каля 7,5 млн рублёў.
Для даведкі:
Пачынаць працоўную дзейнасць можна з 14 гадоў. Непаўналетнія могуць прыцягвацца толькі да лёгкіх відаў працы, якія не наносяць шкоды здароўю і не парушаюць працэс навучання, і толькі з пісьмовай згоды аднаго з бацькоў.
Навучэнцы агульнаадукацыйных устаноў і ўстаноў прафесійна-тэхнічнай адукацыі ў час канікулаў могуць працаваць не больш як 4 гадзіны 36 мінут у дзень (ад 14 да 16 гадоў) і 7 гадзін у дзень (ад 16 да 18 гадоў).
Крыніца: Міністэрства працы і сацыяльнай абароны насельніцтва.
