У Беларусі з 1 лістапада ўстаноўлены новыя памеры мінімальных спажывецкіх бюджэтаў (МСБ) для розных сацыяльна-дэмаграфічных груп.
З 1 лістапада 2020 года па 31 студзеня 2021 года МСБ у разліку на месяц складзе:
Br419,78* - на аднаго члена сям'і з чатырох чалавек;
Br450,43 - на аднаго члена маладой сям'і з трох чалавек;
Br528,3 - для працаздольнага насельніцтва;
Br410,1 - для пенсіянераў;
Br352,55 - для дзяцей ва ўзросце да 3 гадоў;
Br448,14 - для дзяцей ва ўзросце ад 3 да 6 гадоў;
Br457,49 - для дзяцей ва ўзросце ад 6 да 18 гадоў.
* На 1,6% перавышае нарматыў, які дзейнічае з 1 жніўня па 31 кастрычніка бягучага года (Br413,1).
Сярэднедушавы МСБ сям'і з чатырох чалавек служыць асновай для вызначэння права грамадзян на атрыманне льготных крэдытаў і субсідый на будаўніцтва (рэканструкцыю) або набыццё жылых памяшканняў, а таксама для вызначэння іншых сацыяльных стандартаў.
Крыніца: пастанова Міністэрства працы і сацыяльнай абароны ад 23 кастрычніка 2020 года №96.
