Нацыянальны мастацкі музей Беларусі – буйнейшы ў краіне збор беларускага і замежнага мастацтва.У 2024 адзначае 85-годдзе з дня заснавання.
Гісторыя стварэння музея:
24 студзеня 1939 года створана Дзяржаўная карцінная галерэя* (па вул. К.Маркса, 29), фонды якой налічвалі больш за 2,7 тыс. твораў.
У пачатку Вялікай Айчыннай вайны збор мастацкай галерэі быў практычна страчаны.
З 1944 года пачалося актыўнае аднаўленне калекцыі.
У канцы 40-х гадоў налічвалася больш за 1,5 тыс. музейных прадметаў, адкрыта пастаянная экспазіцыя (у пяці залах другога паверха Дома прафсаюзаў).
Будаўніцтва новага будынка музея (вул. Леніна, 20)** завяршылася ў 1957 годзе, у ім 5 лістапада адкрыўся Дзяржаўны мастацкі музей БССР.
Калекцыя музея ў канцы 50-х гадоў дасягнула даваеннай колькасці (каля 3 тыс. твораў).
У 1990-я гады музей стаў буйным навуковым і культурна-асветным цэнтрам Беларусі з бібліятэкай і архівам, рэстаўрацыйнымі майстэрнямі.
Сёння Нацыянальны мастацкі музей – адзіны музейны комплекс з сучаснай інфраструктурай, новымі экспазіцыямі з фондасховішчамі.
У музеі прадстаўлена самая вялікая ў свеце калекцыя твораў беларускага мастацтва.
Фонды музея налічваюць больш за 33 тыс. твораў розных відаў і жанраў, аўтараў, школ і напрамкаў з больш як 132 краін і амаль 12 стагоддзяў гісторыі.
*будучы Нацыянальны мастацкі музей.
**будынак у Мінску стаў адной з першых музейных пабудоў у гісторыі савецкай архітэктуры.
Крыніцы: Нацыянальны мастацкі музей.
