XXVIII Міжнародны фестываль мастацтваў "Славянскі базар у Віцебску" пройдзе з 8 па 17 ліпеня.
Цырымонія і гала-канцэрт адкрыцця фестывалю адбудуцца ў Летнім амфітэатры 11 ліпеня, закрыцця - 15 ліпеня.
Дадатковыя мерапрыемствы запланаваны на 8-10 і 16-17 ліпеня.
Асноўнымі падзеямі фестывалю стануць XXVIII Міжнародны конкурс выканаўцаў эстраднай песні "Віцебск-2019" і XVII Міжнародны дзіцячы музычны конкурс "Віцебск-2019".
Беларусь на конкурсе выканаўцаў эстраднай песні "Віцебск-2019" прадставіць Іван Зданюк, на дзіцячым музычным конкурсе "Віцебск-2019" - Ксенія Галецкая.
Краіны - уладальніцы Гран-пры Міжнароднага конкурсу выканаўцаў эстраднай песні "Віцебск":
Беларусь - 5 разоў (2003, 2004, 2005, 2011, 2016);
Югаславія - 4 разы (1995, 1997, 1999, 2002);
Украіна - 3 разы (1993, 1996, 2007);
Расія - 3 разы (2001, 2006, 2009);
Македонія - 2 разы (2000, 2012);
Ізраіль (1998), Літва (2008), Харватыя (2010), Польшча (2013), Мексіка (2014), Казахстан (2015), Румынія (2018) - па адным разе.
Краіны - пераможцы Міжнароднага дзіцячага музычнага конкурсу "Віцебск":
Румынія - 4 разы (2003, 2009, 2010, 2011);
Беларусь - 3 разы (2005, 2007, 2017);
Расія - 2 разы (2004, 2016);
Украіна - 2 разы (2014, 2018);
Польшча (2006), Арменія (2008), Грузія (2012), Балгарыя (2013), Казахстан (2015) - па адным разе.
Упершыню Міжнародны фестываль мастацтваў "Славянскі базар у Віцебску" прайшоў 18 ліпеня 1992 года.
Крыніца: Дырэкцыя Міжнароднага фестывалю мастацтваў "Славянскі базар у Віцебску".