Пост папярэднічае святу Нараджэння Хрыстовага і доўжыцца 40 дзён.
Пачатак: 28 лістапада.
Заканчэнне: 6 студзеня (Калядная куцця).
Народная беларуская назва: Піліпаўка.
Не прынята ўжываць у ежу: для свецкіх людзей ва ўсе дні посту - нічога мяснога, малочнага і яек.
Што можна ўжываць у ежу: рыбу, сухафрукты, хлеб, кашы, фрукты, агародніну, крыху віна.
Не рэкамендуецца: наведваць установы для забаў, расказваць анекдоты, займацца пустаслоўем.
Рэкамендуецца: маліцца, наведваць храмы і іншыя святыя мясціны, чытаць духоўную літаратуру; рабіць добрыя справы, ахвяраванні, бескарысліва дапамагаць людзям; абмежаваць спажыванне спіртных напіткаў, курэнне; менш злавацца, сварыцца, лаяцца. Таксама ў гэты перыяд нельга спраўляць вяселле - забаронена вянчанне, аднак хрышчэнне дзяцей праводзіцца незалежна ад посту.
Асноўныя царкоўныя святы ў час Каляднага посту:
4 снежня - Увядзенне ў храм Прасвятой Багародзіцы.
19 снежня - дзень свяціцеля Мікалая Цудатворца.