ДЗЯРЖОРГАНЫДЗЯРЖОРГАНЫ
Флаг Пятніца, 14 мая 2021
Мінск Суцэльная воблачнасць +10°C
Усе навіны
Усе навіны
Інфаграфіка
08 красавіка 2021, 16:07

Як не стаць ахвярай фішынгу

Як не стаць ахвярай фішынгу

Фішынг (англ. phishing ад fishing "рыбная лоўля, вывуджванне") - від інтэрнэт-махлярства для атрымання доступу да канфідэнцыяльных даных карыстальнікаў - лагінаў і пароляў. Гэта дасягаецца шляхам правядзення масавых рассылак электронных пісем ад імя папулярных брэндаў, а таксама асабістых паведамленняў унутры розных сэрвісаў, напрыклад ад імя банкаў або ўнутры сацыяльных сетак.

Як не стаць ахвярай фішынгу:

- уважліва правяраць спасылку, па якой збіраецеся клікнуць: ці не пераблытаны літары ў назве сайта;

- перад тым як уводзіць лагін і пароль, трэба праверыць, ці абаронена злучэнне. Калі перад адрасам сайта вы ўбачыце прэфікс https (дзе s азначае secure) - бяспечнае;

- нават калі пісьмо або паведамленне са спасылкай прыйшло ад лепшага сябра, усё роўна трэба памятаць, што яго таксама маглі ашукаць або ўзламаць. Таму паводзіць сябе трэба не менш асцярожна, чым пры абыходжанні са спасылкамі, якія прыйшлі з невядомай крыніцы;

- часта фальшывыя пісьмы і фальшывыя сайты ва ўсім паўтараюць дызайн сапраўдных;

- замест таго каб клікаць па спасылцы, трэба ўвесці адрас уручную ў новым акне браўзера;

- выявіўшы фішынгавую аперацыю, неабходна паведаміць пра яе ў банк (калі пісьмо прыйшло ад імя фінансавай установы) або ў службу падтрымкі сацсеткі (калі такія спасылкі рассылае нехта з карыстальнікаў) і г.д.;

- не заходзьце ў анлайн-банкі і да таго падобныя сэрвісы праз адкрытыя Wi-Fi-сеткі ў кафэ або на вуліцы. Лепш скарыстацца мабільным інтэрнэтам або пацярпець, чым страціць усе грошы на картцы.

Крыніца: Следчы камітэт Рэспублікі Беларусь.

Топ-навіны
З НАМІ НАЙБОЛЬШ ЦІКАВА
Свежыя навіны Беларусі