ДЗЯРЖОРГАНЫДЗЯРЖОРГАНЫ
Флаг Субота, 28 мая 2022
Мінск +11°C
Усе навіны
Усе навіны
Інфаграфіка
21 студзеня 2022, 12:34

Як і на чым бяспечна катацца з узгорка

Як і на чым бяспечна катацца з узгорка

Узгорак трэба выбіраць пакаты, без трамплінаў, далёка ад дарог, слупоў, дрэў і іншых штучных або натуральных перашкод.

Перад тым як выйсці на ўзгорак, рэкамендуецца выкарыстоўваць надзейны ахоўны рыштунак: накаленнікі, налакотнікі, пальчаткі, шлем.

Абутак павінен быць моцным і без высокага абцаса.

Садіцца на санкі, цюбінгі або лядзянкі трэба як на стул, адкідаючыся назад і сагнуўшы ногі ў каленях.

Нельга скакаць на снарады з разбегу, ляжаць і стаяць на іх, катацца адзін за адным або адзін на адным.

У час катання трэба трымацца за ручкі, быць седзячы, не рабіць рэзкіх рухаў корпусам або спрабаваць саскочыць, не тармазіць нагамі і захоўваць дыстанцыю.

Важна ведаць: катанні на лядзянках і цюбінгах уваходзяць у лік самых траўманебяспечных відаў забаў, бо кантраляваць скорасць і напрамак руху на спуску немагчыма.

Правілы паводзін на ажыўленым узгорку

1. Забараняецца паднімацца на ўзгорак там, дзе насустрач скочваюцца іншыя.

2. Не з'язджаць, пакуль не адышоў у бок папярэдні чалавек.

3. Перад спускам праверыць, ці свабодная траса, ці не збіраюцца яе перасякаць з іншага схілу.

4. Не затрымлівацца ўнізе, калі з'ехаў, а хутчэй адпаўзаць або адкочвацца ўбок.

5. Калі міма ўзгорка ідзе прахожы, пачакаць, пакуль ён пройдзе, і толькі тады рабіць спуск.

6. Калі пазбегнуць сутыкнення (на дарозе дрэва, чалавек і інш.) нельга, то трэба пастарацца заваліцца на бок на снег або адкаціцца ў бок ад ледзяной паверхні.

7. Пазбягаць катання з узгоркаў з няроўным лядовым пакрыццём.

8. Пры атрыманні кім-небудзь траўмы неадкладна аказаць яму першую дапамогу, паведаміць аб гэтым у службу экстраннага вызаву 103.

9. Пры першых прыкметах абмарожання, а таксама пры дрэнным самаадчуванні неадкладна спыніць катанне.

Тыповыя траўмы пры катанні з узгорка: пашкоджанні галёнкаступнёвага, локцевага і прамянёвазапясцевых суставаў, расцяжэннні і разрывы звязак.

Крыніца: паводле даных з адкрытых крыніц.

Топ-навіны
З НАМІ НАЙБОЛЬШ ЦІКАВА
Свежыя навіны Беларусі