II Форум рэгіёнаў Беларусі і Украіны пройдзе 3-4 кастрычніка ў Жытоміры.
Мэта форуму - прадстаўленне эканамічнага патэнцыялу рэгіёнаў Беларусі і Украіны, развіццё новых ініцыятыў і форм эканамічнага, інвестыцыйнага, навукова-тэхнічнага і культурнага супрацоўніцтва на міжрэгіянальным узроўні.
Асноўныя мерапрыемствы форуму:
пленарнае пасяджэнне з удзелам прэзідэнтаў Беларусі і Украіны;
8-е пасяджэнне беларуска-ўкраінскага кансультатыўнага савета дзелавога супрацоўніцтва;
тэматычныя пасяджэнні, канферэнцыі, панэльныя дыскусіі, даклады, форумы;
круглы стол "Развіццё рачнога суднаходства на рэках Днепр і Прыпяць".
На пляцоўках горада пройдуць:
кірмаш прадукцыі і вырабаў дэкаратыўна-прыкладнога мастацтва Беларусі і Украіны;
выстаўка буйнагабарытнай тэхнікі;
форум і выстаўка высокіх тэхналогій, робататэхнікі, мехатронікі і стартапаў.
У студзені-чэрвені 2019 года тавараабарот Беларусі і Украіны склаў $2,5 млрд і ў параўнанні з аналагічным перыядам 2018-га павялічыўся на $100,5 млн, або на 4,2%.
Па выніках I Форуму рэгіёнаў Беларусі і Украіны, які праходзіў 25-26 кастрычніка 2018 года ў Гомелі, падпісана больш за 20 кантрактаў і пагадненняў на агульную суму каля $150 млн.
Крыніца: БелГПП, Жытомірская абласная дзяржаўная адміністрацыя.
