Савет Міністраў Беларусі зацвердзіў палажэнне аб парадку папярэдняй ідэнтыфікацыі карыстальнікаў інтэрнэт-рэсурсу, сеткавага выдання.
Асноўныя этапы:
1. Ідэнтыфікацыя.
Стварэнне карыстальнікам уліковага запісу на інтэрнэт-рэсурсе шляхам заключэння карыстальніцкага пагаднення.*
2. Актывацыя ўліковага запісу.
Карыстальніку будзе адпраўлена СМС з кодам на нумар тэлефона або з выкарыстаннем іншых ідэнтыфікацыйных даных і тэхнічных сродкаў.**
3. Аўтарызацыя на сайце.
Увядзенне лагіна і пароля, пазначаных пры рэгістрацыі.
Карыстальнік можа ў любы час скасаваць карыстальніцкае пагадненне ў аднабаковым парадку, пры гэтым звесткі аб карыстальніку і яго дзеяннях яшчэ будуць захоўвацца на працягу года.
Уладальнік сайта павінен забяспечыць ахову ад страты і выдачы без згоды карыстальніка звестак, якія пазначаны ў палажэнні. Пры гэтым ён абавязуецца прадаставіць гэтыя звесткія па патрабаванні органаў пракуратуры, КДБ, Міністэрства інфармацыі, падатковых органаў, судоў і органаў па аператыўна-вышуковай дзейнасці ва ўстаноўленым законам парадку.
Новыя правілы ўступяць у сілу 1 снежня.
*Пагадненне павінна змяшчаць папярэджанне аб недапушчальнасці размяшчэння матэрыялаў, што маюць інфармацыю, распаўсюджанне якой забаронена заканадаўствам.
**На адзін нумар мабільнага тэлефона можна будзе зарэгістраваць толькі адзін уліковы запіс на кожным канкрэтным інтэрнэт-рэсурсе.
Крыніца: пастанова Савета Міністраў Беларусі ад 23 лістапада 2018 года №850.
