У Беларусі 25 ліпеня адзначаецца прафесійнае свята - Дзень пажарнай службы.
Гісторыя станаўлення пажарнай службы Беларусі
25 ліпеня 1853 г. - па рашэнні Мінскага губернскага праўлення і Мінскай гарадской думы зацверджаны склад гарадской пажарнай каманды (51 чалавек). Гэты дзень быў прыняты за пачатак стварэння пажарнай службы ў Беларусі.
1857 г. - прыняты "Пажарны статут".
1872 г. - створана першая ў Беларусі добраахвотная пажарная арганізацыя - Віцебскае вольнапажарнае таварыства.
1885 г. - уведзена ў эксплуатацыю дэпо Мінскага вольнапажарнага таварыства - цяпер найстарэйшае дзеючае дэпо ў рэспубліцы.
1911 г. - на Добрушскай папяровай фабрыцы з'явіўся першы на тэрыторыі Беларусі пажарны аўтамабіль.
1920 г. - створаны Беларускі пажарны аддзел - першы дзяржаўны орган, у веданні якога была пажарная ахова.
1929 г. - у Мінску адкрыліся Усебеларускія пажарныя курсы, якія паклалі пачатак арганізацыі падрыхтоўкі беларускіх пажарных спецыялістаў.
1933 г. - уведзены адзіны тэлефонны нумар пажарнай аховы "01".
1937 г. - праведзены першыя Усебеларускія спаборніцтвы пажарнай аховы, якія паклалі пачатак пажарна-прыкладному (пажарна-выратавальнаму) спорту.
1941 г. - асабовы склад пажарнай аховы БССР пачаў барацьбу з пажарамі, што ўзнікалі ад абстрэлаў варожай артылерыі і авіяцыі.
1986 г. - для ліквідацыі наступстваў катастрофы на Чарнобыльскай АЭС у Гомельскую вобласць накіраваны зводныя атрады (больш за 1,5 тыс. чалавек).
1994 г. - створана Міністэрства па надзвычайных сітуацыях і абароне насельніцтва ад наступстваў катастрофы на Чарнобыльскай АЭС (з 1997 г. - Міністэрства па надзвычайных сітуацыях).
1999 г. - статус аварыйна-выратавальных замацоўваўся за ўсімі атрадамі і часцямі МНС.
Крыніца: МНС Беларусі
