16 ліпеня 1944 года ў Мінску, вызваленым 3 ліпеня ад нямецка-фашысцкіх захопнікаў, адбыўся асаблівы для Беларусі партызанскі парад. Удзел у ім прынялі амаль 30 тыс. чалавек. Да Вялікай Перамогі 9 мая 1945 года заставалася крыху менш як 10 месяцаў.9 мая 1945 года Мінск разам з іншымі савецкімі гарадамі адзначаў Перамогу ў Вялікай Айчыннай вайне. На мітынгу каля Дома ўрада сабраліся амаль 70 тыс. чалавек, пасля яго заканчэння на вуліцах сталіцы разгарнуліся народныя гулянні.
24 чэрвеня 1945 года на Краснай плошчы ў Маскве адбыўся гістарычны парад у гонар Перамогі СССР над фашысцкай Германіяй. Плячо ў плячо з баявымі таварышамі маршыравалі амаль 300 беларусаў.
9 мая 1965 года ў Мінску ў дзень 20-годдзя Перамогі адбыўся першы пасляваенны парад. У напрамку ад плошчы Леніна (цяпер - Незалежнасці) да плошчы Перамогі прайшлі войскі Мінскага гарнізона, за імі баявая тэхніка. Адбылося шэсце ветэранаў і ўскладанне кветак да Вечнага агню.
9 мая 1975 года беларуская сталіца сустракала 30-годдзе Перамогі ў новым статусе - горад-герой*.
На юбілейныя даты Перамогі святочныя парады праходзяць 9 мая. У Дзень Перамогі яны адбыліся ў 1965, 1970, 1975, 1980, 1985, 1990, 1995, 2000, 2005, 2010, 2015, 2020 гадах.
2025 год адзначаны асаблівай датай - 80-годдзем Перамогі савецкага народа ў Вялікай Айчыннай вайне.
Удзел у ваенным парадзе ля стэлы "Мінск - горад-герой" прымуць каля 4 тыс. ваеннаслужачых і больш за 220 адзінак баявой тэхнікі.
Будуць прадстаўлены ўзоры найноўшай ваеннай тэхнікі, якія знаходзяцца на ўзбраенні беларускай арміі.
* 26 чэрвеня 1974 года ўказам Прэзідыума Вярхоўнага савета СССР Мінску было прысвоена ганаровае званне "горад-герой" з уручэннем ордэна Леніна і медаля "Залатая Зорка".
Крыніцы: адкрытыя крыніцы.
