Электронная сістэма аплаты праезду ў аўтатранспарце прызначана для аплаты праезду, кантролю аплаты, а таксама збору і аналізу статыстычнай інфармацыі аб рабоце грамадскага транспарту.
Як гэта працуе
У транспарце размяшчаюцца QR-коды для куплі электроннага білета на паездку. Пасажыру трэба зайсці ў дадатак* і адсканіраваць QR-код. У форме куплі электроннага білета выбраць патрэбную колькасць білетаў. У выпадку паспяховай аплаты на экран смартфона выводзіцца паведамленне аб набытым білеце.
Для аплаты патрэбны:
- смартфон пасажыра,
- наклейкі з QR-кодам у грамадскім транспарце,
- QR-код у кандуктара.
Праверка кандуктарам
Пасажыр заходзіць у дадатак і сканіруе QR-код кандуктара.
Пасля праверкі на экране мабільнага тэлефона адлюстроўваюцца:
- табельны нумар кандуктара,
- PIN-код, які выдаецца кандуктару штодзень,
- апошнія 4 лічбы нумара мабільнага тэлефона пасажыра, у якога правяраецца білет,
- колькасць правераных білетаў кандуктарам за суткі.
Электронная сістэма аплаты праезду і праверкі білетаў у аўтатранспарце ўжо дзейнічае ў Беларусі.
* Мабільны дадатак для аплаты праезду.
Крыніца: Адкрытыя крыніцы