Беларусь штогод 1 кастрычніка адзначае Дзень пажылых людзей*.
У гэты ж дзень сусветная супольнасць адзначае Міжнародны дзень пажылых людзей. Ён заснаваны па ініцыятыве ААН у снежні 1990 года.
На 1 студзеня 2021 года ў Беларусі пражывалі 1475,9 тыс. пажылых грамадзян, або амаль кожны шосты жыхар краіны (у гарадской мясцовасці - 71,4%, у сельскай - 28,6%).
З агульнай колькасці пажылых людзей жанчыны складаюць 66,9%, мужчыны - 33,1%.
За апошнія 10 гадоў колькасць асоб пажылога ўзросту ў цэлым па рэспубліцы павялічылася на 174,5 тыс. чалавек, або на 13,4%.
Доля пажылых людзей ва ўзросце 65-74 гады ў колькасці занятых складае 1,7%**, з іх:
жанчын - 51,9%,
мужчын - 48,1%.
Удзельная вага асоб ва ўзросце 65-74 гады ў колькасці занятых па асобных відах эканамічнай дзейнасці:
навуковыя даследаванні і распрацоўкі - 6,5%;
вытворчасць вылічальнай, электроннай і аптычнай апаратуры - 4,1%;
ахова здароўя - 3,9%;
адукацыя - 3,8%;
аперацыі з нерухомай маёмасцю - 3,3%;
дзейнасць у сферы адміністрацыйных і дапаможных паслуг - 3,2%.
937 жанчын і 1439 мужчын у пажылым узросце заключылі шлюбны саюз, пры гэтым у 718 выпадках абодва ўступаючыя ў шлюб былі ва ўзросце 60 гадоў і старэйшыя.
Доля карыстальнікаў інтэрнэту сярод асоб пажылога ўзросту склала 36,9%.
Найбольш папулярныя мэты: 86,5% - пошук інфармацыі; 64,8% - узаемадзеянне ў сацсетках, на форумах; 62,1% - прагляд фільмаў, спампоўванне музыкі; 47,9% - адпраўка электроннай пошты, перагаворы.
* Згодна з прынятай у геранталогіі (навука аб старэнні і прафілактыцы старэння) класіфікацыі да ліку пажылых людзей адносяцца людзі ва ўзросце 60 гадоў і старэйшыя.
** Тут і далей - у 2020 годзе.
Крыніца: Нацыянальны статыстычны камітэт.
