Дзень без аўтамабіля завяршае Еўрапейскі тыдзень мабільнасці, мэта якога - прыцягнуць насельніцтва да выкарыстання альтэрнатыўнага аўтамабілю транспарту. Дэвіз тыдня ў 2020 годзе - "Выбірай, на чым перамяшчацца" (Choose your move).
Вадзіцелі 22 верасня могуць бясплатна карыстацца грамадскім транспартам Мінска пры прад'яўленні правоў і тэхнічнага пашпарта на аўто.
Мерапрыемствы Еўрапейскага тыдня мабільнасці:
велапрабег па маршруце пр.Дзяржынскага, 131 - Нацыянальная бібліятэка Беларусі;
акцыя "На работу на веласіпедзе". Гараджанам, якія будуць дабірацца на работу на веласіпедзе, прапануюць бясплатныя фрукты, каву і чай у шасці пунктах сталіцы:
- стэла "Мінск - горад-герой",
- уваход у Батанічны сад,
- пр.Пушкіна, д.85,
- Беларускі дзяржаўны акадэмічны музычны тэатр,
- універмаг "Беларусь",
- "Мінск-Арэна".
У Мінску Еўрапейскі тыдзень мабільнасці праходзіць пяты год запар.
Упершыню акцыя "Дзень без аўтамабіля" прайшла ў Францыі ў 1998 годзе. Беларусь далучылася да яе ў 2008-м.
Крыніца: Мінскі гарадскі камітэт прыродных рэсурсаў і аховы навакольнага асяроддзя.