10 снежня Прэзідэнт Беларусі падпісаў указы №473 "Аб долевым будаўніцтве" і №474 "Аб дзяржаўнай падтрымцы пры будаўніцтве (рэканструкцыі) або набыцці жылых памяшканняў".
Шматдзетным сем'ям прадастаўлена пераважнае права на атрыманне накіраванняў на долевае будаўніцтва аднакватэрных жылых дамоў або жылых памяшканняў у блакіраваных жылых дамах*.
Павялічаны памер падтрымкі для некаторых катэгорый грамадзян**:
для дзяцей-сірот памер субсідыі на пагашэнне асноўнага доўгу па камерцыйных крэдытах (у адпаведнасці з указам нумар 240) павялічваецца з 35% да 50%;
для малазабяспечаных грамадзян, якія ажыццяўляюць будаўніцтва жылля і працоўную дзейнасць у населеных пунктах на тэрыторыі паўднёва-ўсходняга рэгіёна Магілёўскай вобласці, памер субсідыі на выплату часткі працэнтаў па камерцыйных крэдытах павялічваецца на 4 працэнтныя пункты;
грамадзянам, якія выхоўваюць дзяцей-інвалідаў, прадастаўляецца права на атрыманне субсідыі на пагашэнне 50% асноўнага доўгу па камерцыйных крэдытах;
для шматдзетных сем'яў, якія выхоўваюць дзяцей-інвалідаў, устанаўліваецца першачарговае права на атрыманне дзяржаўнай падтрымкі.
Разам з тым з 1 сакавіка 2019 года абмяжоўваецца права на атрыманне дзяржаўнай падтрымкі пры будаўніцтве (рэканструкцыі) або набыцці жылля для працаздольных грамадзян, не занятых у эканоміцы.
* Указ №473 "Аб долевым будаўніцтве".
** Тут і далей указ №474 "Аб дзяржаўнай падтрымцы пры будаўніцтве (рэканструкцыі) або набыцці жылых памяшканняў".
Крыніца: афіцыйны інтэрнэт-партал Прэзідэнта Беларусі.
