Сцяг Пятніца, 29 сакавіка 2024
Усе навіны
Усе навіны
Інфаграфіка
05 студзеня 2022, 14:47

Бяспека дзяцей. Небяспека лёду

Штодзень нагадвайце дзіцяці правілы бяспечных паводзін.

Тлумачце дзіцяці, у чым небяспека лёду.

Нельга:

выходзіць на лёд, гуляць на лёдзе;

правяраць трываласць ільду ўдарам нагі;

катацца на каньках.

Вучыць дзіця катацца на каньках трэба толькі на спецыяльна абсталяваных лядовых пляцоўках!

Калі дзіця правалілася пад лёд:

паведаміце крыкам дзіцяці, што ідзяце да яго на дапамогу;

патэлефануйце ў МНС па тэлефонах 101 або 112;

набліжайцеся да палонкі асцярожна, паўзіце па-пластунску;

за 3-4 метры падайце дзіцяці любы падручны сродак (палку, шалік і г.д.);

пасля таго як дасталі яго з вады, сагрэйце, дайце гарачае пітво.

Першая дапамога пры абмаражэнні, пераахаладжэнні:

неадкладна ўнясіце ў цёплае памяшканне;

здыміце абутак і адзенне, ухутайце коўдрай;

напаіце гарачай гарбатай, кампотам;

пры абмаражэнні накладзіце цеплаізалюючыя павязкі з марлі і ваты, не пераціскаючы абмарожаныя часткі цела;

выклічце хуткую дапамогу.

Будзьце прыкладам для сваіх дзяцей, выконвайце правілы бяспекі перш за ўсё самі!

Топ-навіны
Свежыя навіны Беларусі