Беларусь заняла ў рэйтынгу Doing Business 2019 ("Вядзенне бізнесу - 2019") 37-ю пазіцыю сярод 190 дзяржаў. У параўнанні з мінулым годам рэйтынг Беларусі павысіўся на адну пазіцыю.
Становішча Беларусі па ключавых індыкатарах рэйтынгу:
рэгістрацыя ўласнасці - 5-е месца (не змянілася);
падключэнне да сістэмы энергазабеспячэння - 20-е (вышэй на 5 пазіцый);
міжнародны гандаль - 25-е (вышэй на 5 пазіцый);
рэгістрацыя прадпрыемстваў - 29-е (вышэй на 1 пазіцыю);
забеспячэнне выканання кантрактаў - 29-е (ніжэй на 5 пазіцый);
атрыманне дазволаў на будаўніцтва - 46-е (ніжэй на 24 пазіцыі);
абарона мінарытарных інвестараў - 51-е (ніжэй на 11 пазіцый);
вырашэнне неплацежаздольнасці - 72-е (ніжэй на 4 пазіцыі);
атрыманне крэдытаў - 85-е (вышэй на 5 пазіцый);
падаткаабкладанне - 99-е (ніжэй на 3 пазіцыі).
Сярод краін постсавецкай прасторы самае высокае месца займае Грузія - 6-е, Літва - 14-е, Эстонія - 16-е, Латвія - 19-е, Азербайджан - 25-е.
Лідар глабальнага рэйтынгу - Новая Зеландыя, на другім месцы - Сінгапур. За імі ідуць Данія, Ганконг (Кітай), Рэспубліка Карэя.
Крыніца: www.doingbusiness.org