Сцяг Панядзелак, 26 лютага 2024
Усе навіны
Усе навіны
Інфаграфіка
13 сакавіка 2023, 18:00

Аднаўленне папуляцыі зубра ў Беларусі

Зубр - адзін з сімвалаў Рэспублікі Беларусь. Дзясяткі гадоў вядзецца актыўная работа па захаванні і аднаўленні папуляцыі гэтай жывёлы.

Беларусь - сусветны лідар па колькасці вольнажывучых зуброў: у нашай краіне іх налічваецца больш за 2,3 тыс.

У краіне сфарміравана 11 мікрапапуляцый зубра. Буйныя папуляцыі сканцэнтраваны на пяці тэрыторыях:

НП "Белавежская пушча",

Асіповіцкі доследны лясгас,

СВК "Азёры" Гродзенскага раёна,

ТК "Чырвоны Бор" у Верхнядзвінскім раёне,

Палескі радыяцыйна-экалагічны запаведнік.

Прырост сярэдняга статка складае не менш як 50 зубранят штогод.

У Белавежскай пушчы работы па рэакліматызацыі зуброў і адраджэнні папуляцыі вядуцца з 1929 г.

На 1 студзеня 2022 года ў Белавежскай пушчы жылі звыш 700 зуброў. За апошнія 5 гадоў пагалоўе зубра там павялічылася амаль на трэць.

Для даведкі

100 гадоў таму на I Міжнародным кангрэсе па ахове прыроды было прынята рашэнне аб аднаўленні еўрапейскага зубра як віду.

У пачатку XX стагоддзя ва ўсім свеце заставалася 52 чыстакроўныя еўрапейскія (белавежскія) зубры.

Сёння ў свеце налічваецца каля 10 тыс. зуброў, з іх тры чвэрці жывуць на волі, астатнія - у вальерах і заапарках.

У 2020 г. быў перагледжаны глабальны прыродаахоўны статус зуброў у бок зніжэння ступені пагрозы іх знікнення.

Крыніца: Нацыянальны парк "Белавежская пушча", адкрытыя крыніцы

Топ-навіны
Свежыя навіны Беларусі