8 ліпеня, Мінск /Кар. БЕЛТА/. Ужо другі год запар фестываль праходзіць у межах горада Мінска. Аматары трыятлона – жыхары розных куткоў Беларусі і госці з іншых краін – у час спаборніцтваў змаглі палюбавацца маляўнічымі маршрутамі сталіцы Беларусі.
Стартавы гарадок быў размешчаны ў раёне аквапарку "Лябяжы". Плавальны этап прайшоў на вадасховішчы "Дразды". Велаэтап праводзіўся ўздоўж адной з галоўных вуліц горада – праспекта Пераможцаў. Завяршыў гонку бегавы этап ад аквапарку "Лябяжы" да Мінск-Арэны.
У міжнародным турніры змаглі прыняць удзел усе жадаючыя любога ўзросту і ўзроўню падрыхтоўкі. Арганізатары падрыхтавалі 3 дыстанцыі: суперспрынт (0,2+5+1), спрынт (0,6+15+3) і "палавінка" (1,9+90+21).
У мужчын перамогу на асноўнай дыстанцыі святкаваў Аляксандр Васілевіч, які прайшоў дыстанцыю на 113 км за 4:03:38, у жанчын перасекла фінішную рысу Таццяна Лукша. Яе час на дыстанцыі склаў 4:30:41.-0-
Фота Дзяніса Касцючэнкі
