7 верасня, Мінск /Кар. БЕЛТА/. Міжнародныя рэзервовыя актывы Беларусі на 1 верасня, паводле папярэдніх даных, склалі $7 457,8 млн (у эквіваленце), паведамілі БЕЛТА ва ўпраўленні інфармацыі і грамадскіх сувязей Нацыянальнага банка.
За жнівень золатавалютныя рэзервы знізіліся на $1 399,6 млн (на 15,8 працэнта) пасля росту ў ліпені на $61,8 млн (на 0,7 працэнта).
Зніжэнне ўзроўню міжнародных рэзервовых актываў па выніках жніўня ў асноўным абумоўлена продажам Нацыянальным банкам замежнай валюты на таргах ААТ "Беларуская валютна-фондавая біржа". Пры гэтым урадам і Нацбанкам выканана знешніх і ўнутраных абавязацельстваў у замежнай валюце на суму $351,7 млн.
"Падтрыманню ўзроўню золатавалютных рэзерваў у жніўні садзейнічала паступленне сродкаў ад продажу аблігацый Міністэрства фінансаў, намінаваных у замежнай валюце, а таксама паступленне замежнай валюты ў бюджэт", - адзначылі ў банку.
Згодна з асноўнымі напрамкамі грашова-крэдытнай палітыкі на 2020 год аб'ём міжнародных рэзервовых актываў на 1 студзеня 2021 года павінен скласці не менш як $7,3 млрд.-0-
