29 красавіка, Мінск /Кар. БЕЛТА/. Знешні дзяржаўны доўг па стане на 1 красавіка 2022 года склаў $17,8 млрд, зменшыўшыся з пачатку года на $0,5 млрд (з улікам курсавых розніц), або на 2,6 працэнта, паведамілі БЕЛТА ў Міністэрстве фінансаў.
У студзені - сакавіку 2022 года прыцягнуты знешнія дзяржаўныя пазыкі на суму, эквівалентную $201,8 млн, пагашэнне знешняга дзяржаўнага доўгу склала $435,5 млн.
Дзяржаўны доўг Беларусі на 1 красавіка склаў Br65,9 млрд і павялічыўся ў параўнанні з пачаткам года на Br7,7 млрд, або на 13,1 працэнта.
Унутраны дзяржаўны доўг па стане на 1 красавіка склаў Br13,1 млрд, павялічыўшыся з пачатку года на Br1,3 млрд (з улікам курсавых розніц), або на 10,9 працэнта.
У студзені - сакавіку 2022 года размяшчэнне дзяржаўных аблігацый не ажыццяўлялася. Пагашана валютных дзяржаўных аблігацый для юрыдычных і фізічных асоб на суму, эквівалентную $95,1 млн.-0-
