29 студзеня, Масква /Эдуард Півавар - БЕЛТА/. Знешні доўг у Еўразійскім эканамічным саюзе на 1 кастрычніка 2023 года скараціўся на $119,7 млрд, або на 18 працэнтаў, паведамілі БЕЛТА ў прэс-службе Еўразійскай эканамічнай камісіі.
"У параўнанні з аналагічнай датай 2022 года валавы знешні доўг скараціўся ў Беларусі (на 11,7 працэнта) і ў Расіі (на 26,8 працэнта)", - канстатавалі ў ЕЭК.
Пры гэтым знешні доўг вырас у Арменіі на 9,5 працэнта, Казахстане - на 0,8 працэнта і Кыргызстане - на 8,2 працэнта.-0-