15 красавіка, Мінск /Кар. БЕЛТА/. На грамадскае абмеркаванне вынесены праект пастановы Савета Міністраў "Аб змяненні пастановы Савета Міністраў ад 30 чэрвеня 2008 года нумар 970", якім уносяцца змяненні ў правілы аўтамабільных перавозак грузаў, паведамляе БЕЛТА са спасылкай на Нацыянальны прававы інтэрнэт-партал.
Праект распрацаваны для павышэння эфектыўнасці выкарыстання дазволаў на праезд аўтатранспартных сродкаў па тэрыторыі замежных дзяржаў пры выкананні міжнародных аўтаперавозак грузаў.
У прыватнасці, дакументам прадугледжана адносна выдачы асобных відаў дазволаў, вызначаных Мінтрансам і атрымліваемых ад замежных дзяржаў у невялікай колькасці, дадатковае прадстаўленне перавозчыкам міжнароднай таварна-транспартнай накладной CMR.
Арганізатар грамадскага абмеркавання - Міністэрства транспарту і камунікацый.
Свае заўвагі і прапановы можна выказаць у спецыяльнай тэме на Прававым форуме Беларусі або накіраваць арганізатару грамадскага абмеркавання з 15 па 25 красавіка на электронную пошту: uat@mintrans.gov.by.-0-
