23 мая, Любанскі раён /Кар. БЕЛТА/. Калійныя запасы ў Беларусі разлічаны больш як на 120 гадоў. Аб гэтым заявіў журналістам першы намеснік дырэктара горна-абагачальнага комплексу (ГАК) у Любанскім раёне Іван Галаваты, перадае карэспандэнт БЕЛТА.
Іван Галаваты заявіў, што дзякуючы стратэгічнаму рашэнню Прэзідэнта Беларусі ў Любанскім раёне ў свой час пачалі будаўніцтва ГАКа.
"Гэта дасць магчымасць на працягу амаль 50 гадоў здабываць руду і перапрацоўваць яе ў высакаякасныя калійныя ўгнаенні. Гэта ў тым ліку дасць імпульс для развіцця Любанскага раёна і прынясе дадатковую выручку краіне, - растлумачыў першы намеснік дырэктара. - Гэта мінімум 50 гадоў. На ўсіх камбінатах, якія будуюцца, ёсць балансавыя запасы. Па меры разведкі гэтыя балансы прырастаюць, у тым ліку і гэтага радовішча. Я думаю, што 50 гадоў - гэта мінімум".
Паводле яго слоў, такім жа чынам асвойваліся руднікі ў Салігорску. Першапачаткова планавалася, што запасаў мінеральных рэсурсаў хопіць на паўстагоддзя, але работы там ужо вядуцца больш за 60 гадоў. "І наогул, калійныя запасы ў Беларусі разведаны, разлічаны больш як на 120 гадоў", - заявіў Іван Галаваты.
У час выязной нарады ў Любанскім раёне, якая была прысвечана ўводу ў эксплуатацыю ГАКа, Прэзідэнт Беларусі арыентаваў урад планаваць узвядзенне новага ГАКа. Як растлумачыў Іван Галаваты, у краіне асвойваецца некалькі руднікоў. Завяршаючы будаўніцтва чарговага рудаўпраўлення, беларускія гарнякі плаўна пераходзяць на іншыя ўчасткі радовішчаў.
"Гэтак жа і тут, у Любанскім раёне. Старобінскае радовішча мае вялікую плошчу, і сёння перспектыва - распрацоўка і магчымасць будаўніцтва Смолаўскага ўчастка, які ўжо разведаны. Таксама яшчэ ёсць невялікі Любанскі ўчастак. Таму перспектыва ў прадпрыемства добрая", - сказаў прадстаўнік ГАКа.
Магутнасці комплексу разлічаны на здабычу 15 тыс. т руды за суткі. Паводле апошніх даных, з моманту аднаўлення работы ГАКа на паверхню з шахты паднята больш за 300 тыс.т руды. Пры гэтым пройдзена больш за 12 км горных вырабатак.
Цяпер прадпрыемства завяршае будаўніцтва абагачальнай фабрыкі. Пакуль руда будзе захоўвацца на спецыяльным складзе, а потым пачнецца ўжо выпуск калійных угнаенняў. "Каб пачаць пусканаладачныя работы, неабходна сакумуляваць пэўную колькасць руды, чым мы цяпер і займаемся", - дадаў Іван Галаваты.-0-
Іван Галаваты заявіў, што дзякуючы стратэгічнаму рашэнню Прэзідэнта Беларусі ў Любанскім раёне ў свой час пачалі будаўніцтва ГАКа.
"Гэта дасць магчымасць на працягу амаль 50 гадоў здабываць руду і перапрацоўваць яе ў высакаякасныя калійныя ўгнаенні. Гэта ў тым ліку дасць імпульс для развіцця Любанскага раёна і прынясе дадатковую выручку краіне, - растлумачыў першы намеснік дырэктара. - Гэта мінімум 50 гадоў. На ўсіх камбінатах, якія будуюцца, ёсць балансавыя запасы. Па меры разведкі гэтыя балансы прырастаюць, у тым ліку і гэтага радовішча. Я думаю, што 50 гадоў - гэта мінімум".
Паводле яго слоў, такім жа чынам асвойваліся руднікі ў Салігорску. Першапачаткова планавалася, што запасаў мінеральных рэсурсаў хопіць на паўстагоддзя, але работы там ужо вядуцца больш за 60 гадоў. "І наогул, калійныя запасы ў Беларусі разведаны, разлічаны больш як на 120 гадоў", - заявіў Іван Галаваты.
У час выязной нарады ў Любанскім раёне, якая была прысвечана ўводу ў эксплуатацыю ГАКа, Прэзідэнт Беларусі арыентаваў урад планаваць узвядзенне новага ГАКа. Як растлумачыў Іван Галаваты, у краіне асвойваецца некалькі руднікоў. Завяршаючы будаўніцтва чарговага рудаўпраўлення, беларускія гарнякі плаўна пераходзяць на іншыя ўчасткі радовішчаў.
"Гэтак жа і тут, у Любанскім раёне. Старобінскае радовішча мае вялікую плошчу, і сёння перспектыва - распрацоўка і магчымасць будаўніцтва Смолаўскага ўчастка, які ўжо разведаны. Таксама яшчэ ёсць невялікі Любанскі ўчастак. Таму перспектыва ў прадпрыемства добрая", - сказаў прадстаўнік ГАКа.
Магутнасці комплексу разлічаны на здабычу 15 тыс. т руды за суткі. Паводле апошніх даных, з моманту аднаўлення работы ГАКа на паверхню з шахты паднята больш за 300 тыс.т руды. Пры гэтым пройдзена больш за 12 км горных вырабатак.
Цяпер прадпрыемства завяршае будаўніцтва абагачальнай фабрыкі. Пакуль руда будзе захоўвацца на спецыяльным складзе, а потым пачнецца ўжо выпуск калійных угнаенняў. "Каб пачаць пусканаладачныя работы, неабходна сакумуляваць пэўную колькасць руды, чым мы цяпер і займаемся", - дадаў Іван Галаваты.-0-
Падпісвайцеся на нас у
