15 красавіка, Мінск /Кар. БЕЛТА/. Задача па аднаўленні ашчаднага працэсу не можа быць вырашана ў адзін момант. Аб гэтым заявіў сёння на прэс-канферэнцыі старшыня праўлення Нацыянальнага банка Павел Калаур, перадае карэспандэнт БЕЛТА.
"На дэпазітным рынку з пачатку года адзначаецца невялікі прыток рублёвых укладаў насельніцтва. Дынаміка валютных укладаў пакуль застаецца адмоўнай. Аднак трэба разумець, што задача па аднаўленні ашчаднага працэсу не можа быць вырашана ў адзін момант, гэта патрабуе цярпення і часу", - сказаў Павел Калаур.
Старшыня праўлення Нацбанка расказаў таксама аб сітуацыі на валютным рынку. Паводле яго слоў, попыт на валюту ўмераны. Суб'екты гаспадарання і насельніцтва па-ранейшаму выступаюць чыстымі пакупнікамі валюты. Пры гэтым назіраецца зніжэнне чыстай куплі замежнай валюты фізічнымі асобамі.-0-
