Сцяг Пятніца, 29 сакавіка 2024
Усе навіны
Усе навіны
Эканоміка
23 кастрычніка 2020, 16:30

Забастоўкі наносяць урон і прадпрыемству, і эканоміцы краіны ў цэлым - дырэктар "Чырвонага харчавіка"

23 кастрычніка, Мінск /Кар. БЕЛТА/. Забастоўкі наносяць урон і прадпрыемству, і эканоміцы краіны ў цэлым. Такое меркаванне выказаў карэспандэнту БЕЛТА член Пастаяннай камісіі Савета Рэспублікі па эканоміцы, бюджэце і фінансах дырэктар ААТ "Чырвоны харчавік" Сяргей Анюхоўскі.

"Забастоўкі заўсёды накіраваны на дэстабілізацыю сітуацыі. Заводы не працуюць, не вырабляюць прадукцыю, не атрымліваюць выручку. Спажыўцы застаюцца без неабходных ім тавараў. Страчваецца давер у партнёраў, паколькі не выконваюцца заказы. Усё гэта ідзе на шкоду і прадпрыемству, і эканоміцы краіны ў цэлым. У выйгрышы застаюцца толькі канкурэнты", - сказаў Сяргей Анюхоўскі.

Паводле яго слоў, цяпер сітуацыя на сусветных рынках даволі складаная, таму кожны прададзены кілаграм, кожны зароблены долар неабходны і прадпрыемству, і краіне.

ААТ "Чырвоны харчавік" - адна з буйнейшых кандытарскіх фабрык Беларусі, якая займае лідзіруючыя пазіцыі па вытворчасці пасціла-мармеладных вырабаў.-0-

Падпісвайцеся на нас у
Twitter
Топ-навіны
Свежыя навіны Беларусі