Мабільная версія
ДЗЯРЖОРГАНЫ

Апошнія навіны
Усе навіны

Вытворчасць лякарстваў супраць ВІЧ і гепатытаў па індыйскіх тэхналогіях адкрыюць у Беларусі ў 2020 годзе

Эканоміка 31.07.2019 | 19:09
У час закладкі капсулы
У час закладкі капсулы

31 ліпеня, Мінск /Кар. БЕЛТА/. Новую вытворчасць інавацыйных прэпаратаў для лячэння сацыяльна значных захворванняў па індыйскіх тэхналогіях адкрыюць у Беларусі ў 2020 годзе. Сёння на тэрыторыі дзяржаўнага прадпрыемства "Акадэмфарм" НАН Беларусі адбылася цырымонія закладкі капсулы ў фундамент будучага будынка, перадае карэспандэнт БЕЛТА.

Стварэнне гэтай вытворчасці лякарстваў прадугледжвае асваенне новых тэхналагічных прыёмаў: мікранізацыі, сухога гранулявання, атрымання шматслойных таблетак і інш. Дасягнута дамоўленасць аб лакалізацыі на тэрыторыі Беларусі вытворчасці эфектыўных і бяспечных прэпаратаў для лячэння сацыяльна значных захворванняў: ВІЧ-інфекцый, гепатытаў В і С, хваробы Альцгеймера, артэрыяльнай лёгачнай гіпертэнзіі. Найноўшыя лекавыя сродкі будуць вырабляць па поўным цыкле.

Выступае старшыня Прэзідыума Нацыянальнай акадэміі навук Беларусі акадэмік Уладзімір Гусакоў
Выступае старшыня Прэзідыума Нацыянальнай акадэміі навук Беларусі акадэмік Уладзімір Гусакоў'

Індыйскі бок інвесціраваў у праект $1 млн. Як адзначыў старшыня праўлення індыйскай фармацэўтычнай кампаніі Cipla Limited доктар Юсуф Хамід, імя якога будзе прысвоена навукова-тэхналагічнаму цэнтру, важна забяспечыць доступ да якасных лекавых прэпаратаў па прымальнай цане. Ён выказаў надзею, што Беларусь стане цэнтрам кампетэнцыі ў рэгіёне ў галіне фармвытворчасці. Беларускія навуковыя работнікі могуць прыехаць у Індыю для навучання і авалодвання адпаведнымі методыкамі.

Старшыня Прэзідыума Нацыянальнай акадэміі навук Уладзімір Гусакоў упэўнены, што гэта ўнікальны для краіны праект. Завяршыць будаўніцтва будынка плануецца ў 2020 годзе. Лінейка новых прэпаратаў будзе даступная па цане.

Ужо цяпер у аб'ёмах вытворчасці "Акадэмфарма" прэпараты, якія выраблены на аснове субстанцый кампаніі Cipla, складаюць 80 працэнтаў. У сувязі з іх асваеннем цэны ўдалося знізіць у разы. Пасля будаўніцтва новага корпуса вытворчасць будзе пашырана. Як мяркуецца, лякарствы будуць пастаўляць не толькі на беларускі рынак, але і ў краіны Усходняй Еўропы.

Супрацоўніцтва паміж кампаніяй Cipla Limited і "Акадэмфарм" па арганізацыі кантрактнай вытворчасці сацыяльна значных лекавых сродкаў пачалося ў 2016 годзе. У жніўні 2018-га адбылася цырымонія адкрыцця ландшафтнага комплексу ў гонар будаўніцтва Навукова-тэхналагічнага цэнтра па вытворчасці лякарстваў на базе дзяржаўнага прадпрыемства.

Юсуф Хамід - адзін з вядучых індыйскіх вучоных. 16 лістапада 2017 года ў час сесіі Агульнага сходу Нацыянальнай акадэміі навук ён аднагалосна выбраны пачэсным членам НАН Беларусі.-0-

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Прафілактыка ўкусаў змей У Беларусі жывуць тры віды змей: вуж, мядзянка, гадзюка звычайная (адзіная ядавітая).