16 снежня, Мінск /Кар. БЕЛТА/. ВУП Беларусі ў студзені-лістападзе 2019 года вырас на 1,1 працэнта ў параўнанні з аналагічным перыядам мінулага года, паведамілі БЕЛТА ў Нацыянальным статыстычным камітэце.
Згодна з першай ацэнкай, аб'ём ВУП у бягучых цэнах склаў амаль Br120,1 млрд, або ў супастаўных цэнах 101,1 працэнта да ўзроўню студзеня-лістапада 2018 года.
Індэкс-дэфлятар ВУП у студзені-лістападзе 2019 года ў адносінах да аналагічнага перыяду папярэдняга года склаў 106,5 працэнта.-0-
